ငါးပိရည်ကျိုကို မြန်မာလူမျိုးတော်တော်များများကြိုက်နှစ်သက်ကြပါတယ်။ တချို့ကတော့ အနံ့မခံနိုင်လို့ မကြိုက်တတ်ကြပါဘူး။ ကြိုက်တတ်တဲ့သူတွေ နိုင်ငံရပ်ခြားရောက်ခဲ့ရင် ငါးပိရည်ကျိုကို အလွယ်တကူဝယ်လို့ မရနိုင်လို့ ငါးပိရည်ကျို မစားရတာလည်း ရှိပါသေးတယ်။ အဲ့ဒီတော့ နိုင်ငံရပ်ခြားမှာရောက်နေတဲ့ မြန်မာတွေ ငါးပိရည်ကျိုကို ကိုယ်တိုင်လုပ်လို့ရအောင် နည်းလေးမျှဝေလိုက်ပါရစေနော်။
ငါးပိရည်ကျို ပြုလုပ်နည့်း့့ 
ငါးပိရည်ကျိုလုပ်မယ်ဆိုရင် မြန်မာပြည်မှာတော့ ငါးစင်ရိုင်းငါးပိရည်ကျို၊ ငါးခူငါးပိရည်ကျို၊ ငါးရံ့ ငါးပိရည်ကျိုဆိုပြီး လုပ်ကြသလို ငါးလေးငါးပိရည်ကျို၊ ငါးကြီးငါးပိရည်ကျိုဆိုပြီးတော့လည်း ခေါ်ကြပါတယ်နော်။
ငါးပိရည်ကျိုလုပ်ဖို့အတွက် အဲ့ဒီငါးတွေမှမဟုတ်ပါဘူး။ ဂျပန်မှာနေတုန်းကတောင် ပင်လယ်ငါးနဲ့ ငါးပိရည်ကျို လုပ်ပါသေးတယ်နော်။ အဲ့ဒီတော့ ငါးပိရည်ကျိုကို လုပ်ဖို့အတွက် ငါးအကောင်အရွယ်တော်လောက်လေးတွေဝယ်ပြီး ဆားနဲ့နယ်ပြီး ရေစစ်အောင် ဇကာထဲထည့်ပြီး ၂ ရက်လောက် နေပူထဲမှာ လှန်းထားပေးပါနော်။ ငါးထဲက အရည်တွေ စစ်သွားပြီးဆိုရင်တော့ ငါးတွေကို ငရုတ်ဆုံထဲ ထည့်ထောင်းပါ။ ငါးအကောင်သေးတယ်ဆိုရင်တော့ ထောင်းစရာမလိုပါဘူး။ ငရုတ်ဆုံမရှိလည်း ငါးကို ကြွပ်ကြွပ်အိတ်နဲ့ အထပ်ထပ်ထုပ်၊ ပြီးတော့ အပေါ်ကနေ ဆာလာအိတ်ထုပ်ပြီးတော့မှ အပြင်ကနေ ကျောက်တုံးနဲ့ ထုပေးပါ။ ငါးပိရည်ကျို ခပ်ပျစ်ပျစ်စားချင်ရင်တော့ ဆန်ကွဲ (ဆန်) ကို ခပ်ပျစ်ပျစ်ကျိုပြီး ထောင်းပြီးသားငါးနဲ့ ရောနယ်ပြီး အိုးသိပ်ပါ။ ပလတ်စတစ်ဗူး၊ ဖန်ပုလင်းကြီးတွေနဲ့လည်း ထည့်သိပ်လို့ရပါတယ်နော်။ ငါးချည်းသပ်သပ်သိပ်ရင်တော့ ပိုစားကောင်းပါတယ်နော်။ ဒါပေမယ့် ငါးပိရည်ကျိုလိုက်ရင် အရည်ကျဲကျဲဖြစ်နေတတ်လို့ပါနော်။ ငါးပိသိပ်တဲ့အခါ ပုလင်းအပြည့် ဗူးအပြည့် ထည့်မသိပ်ရပါဘူး။ ပုလင်းရဲ့ လေးပုံသုံးပုံလောက်ထိပဲ သိပ်ပြီး အပေါ်ကနေ ပလတ်စတစ်လေးအုပ်ပြီးတော့မှ အဖုံးဖုံးပါနော်။ မြန်မာအယူမှာတော့ ပင်လယ်မှာ ရေတက်ရက်တွေဆိုရင် ငါးပိအိုးမှာလည်း ရေတွေထွက်လာပြီး ရေကျရက်တွေမှာ ငါးပိအိုးထဲမှာလည်း ရေမရှိဘူးလို့ ဆိုကြပါတယ်နော်။ ငါးပိကတော့ ကြာလေ ငါးက နပ်လေလေ ဖြစ်ပြီး စားရတာ အရသာပိုရှိလှပါတယ်နော်။
ငါးပိရည်ကျိုချက်နည်း
ရေကျိုငါးပိကို ရေမြုပ်အောင်ထည့်ပြီးနနွင်းမှုန့်လေးနည်းနည်းထည့်ပြီး ခပ်ပျစ်ပျစ်လေးရအောင် ကျိုပေးပါနော်။ သုံးခွက်တစ်ခွက်တင်ကျိုရင်တော့ ငါးပိရည်ခပ်ပျစ်ပျစ်လေးရပြီး အရသာလည်း ကောင်းလှပါတယ်နော်။
ငါးပိရည်ဖျော်နည်း
ငါးပိရည်ကို အမျိုးမျိုး ဖျော်တတ်ကြပါတယ်။ အခု ကျွန်မလည်း ကျွန်မတို့မိသားစုထဲမှာ ဖျော်လေ့ရှိတဲ့ နည်းလေးတွေကို မျှဝေလိုက်ပါတယ်နော်။
ပထမနည်းကတော့ ငရုတ်သီးစိမ်းလေးတွေကို သီတံလေးမှာသီပြီးတော့ မီးအုံးပါ။ ဒါမှမဟုတ်ရင် ငရုတ်သီးစိမ်းလေးတွေကို ရေဆေး၊ အညှာခြွေပြီးတော့ ဒယ်အိုးထဲရေလေမြုပ်ရုံထည့်ပြီး ပြုတ်ပါ။ ရေခမ်းခါနီးကျရင် ယောက်မလေးနဲ့ မွှေပေးပါ။ အဲ့ဒီလိုလုပ်ရင် အညှော်လည်း မမိသလို ဗိုက်နာမှာလည်း မစိုးရတော့ဘူးလေနော်။ ပြီးတော့ ကြက်သွန်ဖြူနဲ့ ကြက်သွန်နီလေးတွေကိုလည်း မီးအုံးလိုက်ပါ။ ပြည်ပရောက်နေသူတွေကတော့ ကြက်သွန်ဖြူနီကို ဂက်စ်မီးဖိုမှာ အသားငါးကင်တဲ့နေရာလေး ပါတတ်ပါတယ်။ အဲ့ဒီနေရာမှာထည့်ပြီး ကင်လိုက်ပါနော်။ ပြီးတော့မှ ငရုတ်ဆုံ ဒါမှမဟုတ် ကြိတ်စက်ထဲကို ပုဇွန်ခြောက် ဒါမှမဟုတ် ငါးကင်လေးထည့်ပါ။ ပြီးတော့ မီးအုံးထားတဲ့ ငရုတ်သီး ကြက်သွန်ဖြူနီစတာတွေနဲ့ ရောထောင်းပေးပါ။ ပြီးတော့မှ ပန်းကန်လုံးတစ်လုံးထဲကို ကျိုထားတဲ့ ငါးပိရည်ကို အရိုးလေးစစ်ပြီးတော့ ထည့်၊ ထောင်းထားတာတွေထည့်ပြီး မွှေပေးပါနော်။ အဲ့ဒါဆိုရင်တော့ ငရုတ်သီးစိမ်းငါးပိရည်ကျိုရပါပြီ။ လိုက်ဖက်တဲ့ တို့စရာတွေကတော့ တညင်းဝက်မီးအုံး၊ ရေသရက်ကင်း၊ သရက်ကင်းရွက်၊ ရေကနဖော့၊ ကန်ဇွန်းရိုးနီအချဉ်ပြုတ်တို့ပါနော်။ ပြည်ပရောက် မောင်နှမတွေအတွက်တော့ သဘာဝတို့စရာ ရှားပါးတဲ့အတွက် ဘရိုကိုလီပြုတ်၊ မုန်လာဥဖြူပြုတ်၊ ခရမ်းသီးပြုတ်၊ မုန်ညင်းရွက်ပြုတ်တို့နဲ့ လိုက်ဖက်ညီလှပါပေတယ်။ ငါးကင်လေးနဲ့ချက်ထားတဲ့ ဗူးသီးဟင်းခါးလေးတစ်ခွက်ပါဝင်ဖြည့်စွက်လိုက်ရင်ဖြင့် တကယ့်ကို ပြည့်စုံသွားနိုင်ပါတယ်နော်။
ဒုတိယနည်းကတော့ ကျိုပြီးသားငါးပိရည်ကို ငရုတ်သီးအလှော်ထောင်းမွှေးမွှေးလေးရယ်၊ ပုဇွန်ခြောက်မှုန့်လေးနဲ့ ရိုးရိုးဖျော်တာပါ။ ချဉ်ပေါင်ဟင်း၊ ချဉ်ရည်ဟင်းများနဲ့ လိုက်ဖက်လွန်းလှပါတယ်နော်။ တို့စရာများအဖြစ် ရုံးပတီသီးရေနွေးဖျော၊ ခွေးတောက်ရွက်ရေနွေးဖျော၊ ခရမ်းသီးပြုတ်၊ သခွပ်ပွင့်ပြုတ်၊ မလွှပွင့်ပြုတ်စတာနဲ့နဲ့ လိုက်ဖက်ပါတယ်နော်။ ချဉ်ရည်ဟင်းမချက်လို့ ဆီပြန်ဟင်းချည်းအီနေခဲ့မယ်ဆိုရင်လည်း သရက်သီးအကင်း၊ မုန်လာဥချဉ်ဖတ်၊ ပဲပင်ပေါက်ချဉ်ဖတ်စတဲ့ ချဉ်ဖတ်စုံနဲ့ လိုက်ဖက်တဲ့ ငါးပိရည်မျိုးပါရှင့့့် 
တတိယနည်းကတော့ သတ်သတ်လွတ်စားသုံးတဲ့ မောင်နှမများအတွက်ပါနော့့့်  ကျွန်မလို အောက်ပြည်အောက်ရွာမှာ ကြီးပြင်းခဲ့သူတွေအတွက် ငါးပိရည်မပါရင် ထမင်းမစားတတ်ကြပါဘူး။ အဲ့ဒီလူမျိုးတွေ သတ်သတ်လွတ်စားတဲ့အခါ အခက်မကြုံရလေအောင် သတ်သတ်လွတ်ငါးပိရည်ကျိုနည်းလေးကိုလည်း မျှဝေပါရစေဦးနော်။့့့  ပဲငံပြာရည်အကြည်ဆိုတာ ငံပြာရည်လို့ အမည်နာမ ခေါ်ဆိုကြပေမယ့် ပဲကနေထုတ်ထားတဲ့ ပဲရည်တစ်မျိုးပါနော်။ အဲ့ဒီပဲငံပြာရည်အကြည်ကို ပန်းကန်လုံးလေးထဲ တစ်ခါဖျော်စာလောက်လေး အသင့်အတင့်ထည့်၊ ပြီးရင် ကြက်သွန်ဖြူဓားပြားရိုက်လေးထည့်၊ ငရုတ်သီးအလှော်မှုန့် မွှေးမွှေးလေးထည့်ပြီး မွှေပါနော်။ အဲ့ဒါဆိုရင် သတ်သတ်လွတ် ငါးပိရည်ဖျော်ပါနော်။ တကယ်လို့ အချဉ်ကြိုက်တတ်ရင်တော့ မန်ကျည်းသီးအနှစ်လေးနည်းနည်းထည့်ပြီး ဖျော်ပါနော်။ ချဉ်ချိုငံစပ်အရသာလေးနဲ့ ထမင်းစားမြိန်မှာ မြေကြီးလက်ခတ်မလွဲပါနော်။ ပဲနီလေးကြာဇံဟင်း၊ သတ်သတ်လွတ် ဟင်းရွက်သုပ်လေး၊ တို့စရာအစုံနဲ့ စားသုံးနိုင်ပါတယ်နော်။
နောက်တစ်မျိုးကတော့ ငါးပိရည်ကျိုထဲကို ခရမ်းချဉ်သီးမီးအုံးလေး ဒါမှမဟုတ် ခရမ်းချဉ်သီးကို ရေခမ်းပြုတ်ပြီး အနှစ်တွေကို ထည့်ပါ။ ငရုတ်သီးစိမ်း သို့မဟုတ် ငရုတ်သီးအလှော်ထောင်းမွှေးမွှေးလေး ကြိုက်နှစ်သက်ရာကို ထည့်ပါ။ ကြက်သွန်ဖြူကို ဓားပြားရိုက်ထည့်ပြီး အားလုံးသမအောင် မွှေပေးပါ။ အရသာချဉ်ဖြုန်းလေးနဲ့ နယ်စားလို့ ကောင်းလှပါတယ်။ ခရမ်းချဉ်သီးကြိုက်တတ်တဲ့မောင်နှမတွေအတွက်ပါနော်။ တို့စရာကတော့ ကြက်သွန်မြိတ်၊ ဂျူးမြစ်၊ မာလာဖူး၊ သခွားသီးတို့အပြင် မိမိနှစ်သက်ရာ အသီးအရွက်အစုံအလင်နဲ့ စိတ်ကြိုက် ထမင်းမြိန်မြိန်သုံးဆောင်နိုင်ပါတယ်နော့့့်
ဒီနေ့မှာ ကျွန်မရဲ့မောင်နှမတွေကို ကောက်ညှင်းပြန်ပေါင်းပုစွန်ထောင်းလုပ်ကျွေးပါရစေနော်။ ကျွန်မတို့ ငယ်ငယ်တုန်းက နေ့ခင်းဘက်အဆာပြေစားမယ့်အချိန်လောက်ရောက်ရင် မုန့်သည်မျိုးစုံက မုန့်မျိုးစုံလှည့်ရောင်းတဲ့အထဲမှာ ကောက်ညှင်းပြန်ပေါင်းပုစွန်ထောင်းကို သိပ်ကြိုက်ခဲ့တာ။ မောင်နှမတွေကြိုက်လွန်းလို့ နောက်ဆုံး ကျွန်မတို့အဘွားက အပြင်မုန့်တွေကို ၀ယ်ကျွေးရင် ပိုက်ဆံအရမ်းကုန်တာမို့ အိမ်မှာပဲ လုပ်ကျွေးပါတော့တယ်။ အခု ကျွန်မအဘွား မကြာခဏ လုပ်ကျွေးတတ်တဲ့ ကောက်ညှင်းပြန်ပေါင်း ပုစွန်ထောင်းလေးကို အမှတ်တရအနေနဲ့ အိမ်မှာလုပ်စားကြတာလေးကို မျှဝေပါရစေဦးနော်။
