Tuesday, February 19, 2008

သင်္ကြန်ထမင်းလုပ်စားရအောင်

Reactions: 

သင်္ကြန်ထမင်းကို မော်လမြိုင်ဘက်က အဓိကစားသုံးကြပါတယ်။ သင်္ကြန်အချိန်မှာတင်မကဘဲ တစ်နှစ်ပတ်လုံး စားသုံးကြပါတယ်။ မော်လမြိုင်မှာတော့ နံနက်စာ မုန့်ဟင်းခါးရောင်းတဲ့ဆိုင်တွေမှာ သင်္ကြန်ထမင်းကိုပါ တွဲဖက်ပြီး ရောင်းတဲ့ဓလေ့ရှိကြပါတယ်။ အထူးသဖြင့် နွေရာသီပူအိုက်တဲ့အချိန်မှာတော့ သင်္ကြန်ထမင်းကို နေ့စဉ်စားသုံးကြပါတယ်။ သင်္ကြန်ထမင်းကို စားသုံးတဲ့အခါမှာ တချို့က ဖယောင်းသင်းနံ့ကို မကြိုက်ပေမယ့် တချို့ကလည်း အဲ့ဒီဖယောင်းသင်းနံ့ကြောင့်မို့ ပိုပြီး စားကောင်းတယ်လို့ ဆိုပါတယ်။
သင်္ကြန်ထမင်းအတွက် လိုအပ်တဲ့ပစ္စည်းတွေကတော့ ဆန်၊ ငါးခြောက် (အသားများတဲ့ငါးခြောက် ဥပမာ- ငါးရံ့ခြောက်၊ ငါးကွန်းရှပ်ခြောက်)၊ သရက်သီး သို့မဟုတ် မရမ်းသီး၊ ကြက်သွန်ဖြူ၊ ကြက်သွန်နီ၊ ငရုတ်သီးအခြောက်တောင့်၊ ငါးပိစိမ်းစားအနည်းငယ်၊ နနွင်းမှုန့်၊ ဆား၊ အချိုမှုန့်၊ ဖယောင်း၊ နံ့သာဖြူ၊ နံ့သာနီတို့ပဲ ဖြစ်ပါတယ်နော်။


ထမင်းကို အရင်ချက်ကြရအောင်နော့့့့် 
ထမင်းကို ရိုးရိုးထမင်းရည်ငှဲ့တည်သလို တည်ရမှာဖြစ်ပါတယ်။ ထမင်းအိုး ပွက်ပွက်ဆူလာတဲ့အခါမှာ ထမင်းရည်မငှဲ့မီ ထမင်းစေ့ကို ကြည့်ရပါမယ်။ ထမင်းစေ့အများစုမှာ အလယ်က ဆန်စေ့လို ဖြူဖြူလေးတွေ ပျောက်ကုန်ပြီဆိုရင်တော့ ထမင်းရည်ကို အသာလေးငှဲ့ပစ်ပါ။ ပြီးရင်တော့ ဇကာခပ်ကြီးကြီးတစ်ခုထဲကို ထမင်းတွေ သွန်ထည့်ပြီး ရေအေးအေးနဲ့ ထမင်းရည်စင်အောင်ဆေးပါ။ ထမင်းရည် စင်အောင်ဆေးပြီး ဇကာထဲမှာပဲ ထမင်းတွေကို ရေစစ်ပေးထားပါနော်။

ငါးခြောက်ထောင်းကြော်အတွက် ပြင်ဆင်ကြရအောင့့့့်
ငါးခြောက်ကို အရိုးတွေခုတ်ဖယ်ပစ်ပြီး ငါးခြောက်အသားတွေကို ခြောက်လက်မအရှည်ဖြစ်အောင် ခုတ်ထစ်ထားပါ။ ပြီးရင် ဒယ်အိုးတစ်လုံးထဲ ရေထည့်၊ ငါးခြောက်တွေကိုပါထည့်ပြီး မီးဖိုပေါ်တင်ပြီး ပြုတ်ပစ်ပါ။ ငါးခြောက်နူးတဲ့အထိ ပြုတ်ပြီးရင် ငါးခြောက်တွေကို ဒယ်အိုးထဲကနေ ဆယ်ပြီး အအေးခံထားပါ။ အအေးခံပြီးသား ငါးခြောက်ကိုမှ အရိုးတွေဖယ်ပစ်ပြီး အသားတွေချည်း ယူထားပါ။ ပြီးတော့မှ ငါးခြောက်အသားတွေကို ငရုတ်ဆုံထဲ ထည့်ထောင်းပါ။ ဒါမှမဟုတ်ရင်လည်း ကြိတ်စက်ထဲ ထည့်ကြိတ်ပါ။ ထောင်းပြီးသား ငါးခြောက်တွေကို သီးသန့်ဖယ်ထားပါ။ သရက်သီးကို သုံးမယ်ဆိုရင်လည်း အခွံနွှာ၊ ရေဆေးပြီး သရက်သီးတွေကို ခြစ်ထားပေးပါ။ မရမ်းသီးကို သုံးခဲ့မယ်ဆိုရင် မရမ်းသီးကို ရေဆေး၊ ထက်ခြမ်းခွဲ၊ အစေ့ထုတ်ပြီး ပါးပါးလေးတွေဖြစ်အောင် လှီးပေးပါ။ ကြက်သွန်ဖြူနဲ့ ကြက်သွန်နီကို အခွံနွှာပြီး ရေဆေးပေးပါ။ ကြက်သွန်ဖြူကို ခပ်ပါးပါးလေးတွေ လှီးတဲ့ဟာလှီးပြီး ကျန်တာကို ထောင်းဖို့ ဖယ်ထားပေးပါ။ ကြက်သွန်နီကိုတော့ အနည်းဆုံးအလုံးကြီးငါးလုံးကို လေးစိတ်ထိုးပြီး ကျန်တဲ့တစ်လုံးကို မထူမပါးလှီးပြီး ထောင်းဖို့ ဖယ်ထားပေးပါ။ ငရုတ်သီးအခြောက်ွတောင့်ကိုလည်း သန့်ရှင်းအောင်
လုပ်ပေးထားပါ။ ပြီးရင် ကြက်သွန်ဖြူနဲ့ ကြက်သွန်နီကို မညက်တညက်လေးဖြစ်အောင် ထောင်းပေးပါ။

ငါးခြောက်ထောင်းကြော်ရအောင့့့့် 
အားလုံးအသင့်ဖြစ်ပြီဆိုရင် မီးဖိုပေါ်ဒယ်အိုးတင်ပြီး ဆီထည့်ပါ။ ဆီပူလာပြီဆိုရင် မီးအသင့်အတင့်ထားပြီး ငရုတ်သီးအခြောက်တောင့်ကို ဦးစွာ ကြော်ပေးပါ။ အကျက်ညီပြီး မကျွမ်းသွားရအောင် သတိထားပြီးကြော်ပါ။ ကျက်သွားပြီဆိုရင် ငရုတ်သီးတောင့်တွေကို ဆီအိုးထဲကနေဆယ်ပြီး ပန်းကန်တစ်ချပ်ထဲ သီးသန့်ဖယ်ထားပေးပါ။ ပြီးရင်တော့ ကျန်တဲ့ ဆီထဲကို နနွင်းမှုန့်လေး ခပ်ပြီး ထောင်းထားတဲ့ ကြက်သွန်ဖြူနီကိုထည့်ပြီး ဆီသတ်ပါ။ ဆီသတ်နဲ့မွှေးလာပြီဆိုရင်တော့ ပါးပါးလှီးထားတဲ့ မရမ်းသီးကိုထည့်ပါ။ ပြီးလျှင် ငါးပိစိမ်းစားကိုထည့်ပြီး အားလုံးသမအောင် မွှေပေးပါ။ ပြီးရင်တော့ လေးစိပ်ထိုးထားတဲ့ ကြက်သွန်နီတွေကိုထည့်ပြီး မွှေပေးပါ။ ကြက်သွန်နီစိမ်းနံ့ပျောက်ပြီဆိုရင်တော့ ထောင်းထားတဲ့ငါးခြောက်တွေကိုထည့်ပြီး ကြော်ပေးပါ။ ပြီးရင် အပေါ့အငံအတွက် ဆား၊ အချိုမှုန့်တို့ကို လိုသလိုထည့်ပေးပါ။ ငါးခြောက်ကို မရမ်းသီးနဲ့ ကြော်တာမို့ အကြော်က စိုဖတ်ဖတ်လေးဖြစ်နေပါမယ်။ အဲ့ဒါဆိုရင်တော့ မရမ်းသီးငါးခြောက်ထောင်းကြော်ရပါပြီ။ (တချို့ကတော့ ငါးခြောက်ထောင်းကြော်သပ်သပ်၊ မရမ်းသီး ဒါမှမဟုတ် သရက်သီးသုပ်သပ်သပ် စီစဉ်တတ်ကြပါတယ်)

ဖယောင်းသင်းရည်အတွက် ပြင်ကြရအောင့့့့် 
အုတ်ကြွတ်ပြားခပ်သေးသေးတစ်ခု ဒါမှမဟုတ် အုတ်နီခဲသေးသေးလေးကို မီးကင်ပါ။ မီးကင်နေစဉ်မှာ ဒီဘက်က ဖယောင်းနည်းနည်းရယ်၊ နံ့သာဖြူ၊ နံ့သာနီတွေကို သေးသေးလေးတွေဖြစ်အောင် ဖြတ်ပေးပါ။ မြေအိုးတစ်လုံး ဒါမှမဟုတ် ဒန်အိုးတစ်လုံးကို သန့်စင်အောင်ဆေးပြီး ခြောက်သွေ့အောင်လုပ်ပေးထားပါ။ ပြီးတော့မှ ရဲရဲနီနေတဲ့ အုတ်ခဲလေးပေါ်မှာ ဖယောင်း၊ နံ့သာဖြူ၊ နံ့သာနီတွေကိုတင်လိုက်ပါ။ မီးခိုးငွေ့လေးတွေတက်လာတာနဲ့ တပြိုင်နက် အဆင်သင့်ပြင်ထားတဲ့ အိုးကိုအပေါ်ကနေ အုပ်ပေးလိုက်ပါ။ အဲ့ဒါဆိုရင် ဖယောင်းနံ့သာသင်းနံ့တွေက အိုးမှာ ကပ်သွားပါပြီ။ ၃ မိနစ်လောက်နေမှ အဲ့ဒီအိုးကို အသာလှပ်ယူလိုက်ပြီးတော့ ရေသန့်သန့်ဖြည့်ပြီး အိုးအဖုံးအုပ်ထားလိုက်ပါနော်။ အဲ့ဒါဆိုရင်တော့ ဖယောင်းသင်းရည်မွှေးမွှေးလေး ရပါပြီနော်။

အသင့်ပြင်ကြရအောင်နော့့့့် 
ပန်းကန်ပြားအသေးချပ်ထဲကို ငါးခြောက်ထောင်းကြော်ထည့်၊ အပေါ်ကနေ ကြက်သွန်ကြော်လေးဖြူး၊ ဘေးကနေ ငရုတ်သီးတောင့်လုံးကြော်လေးထည့်ပြီး ပြင်ပါနော်။ ရေစစ်ထားတဲ့ ထမင်းကို ပန်းကန်တစ်ချပ်ထဲထည့်ပြီး ဖယောင်းသင်းရည်လေးထည့်ပြီး ထမင်းပြင်ပါ။ အဲ့ဒါဆိုရင်တော့ အသင့်စားသုံးနိုင်တဲ့ သင်္ကြန်ထမင်းနဲ့
ငါးခြောက်ထောင်းကြော် ရပါပြီနော့့့် 

2 comments:

  1. ပုစွန်ခြောက်ပါ ရေစိမ်ပြီးရောထောင်း...ပိုကောင်းဧ။်.

    ReplyDelete
  2. အ၇မ်းကြိုက်တဲ့၈ိုး၇ာအစာပါ

    ReplyDelete