ငါးပုဏ္ဏားကို အင်္ဂလိပ်လို mango fish (Polymemus paradiseus) လို့ ခေါ်ကြပါတယ်။ ငါးရဲ့အရောင်က ရွှေနီရောင်လေး သန်းနေပြီး နှုတ်ခမ်းမွှေးက အမြီးထိ ရှည်ပါတယ်။ ငါးက ငါးပျက်အကောင်သေးအရွယ်လောက် ရှိပြီး အကြေးခွံပါပါတယ်။ အရေပြား ရွှေနီရောင်၊ နှုတ်ခမ်းမွှေးရှည်ရည်နဲ့ အသားနုတဲ့ ငါးတစ်မျိုးပါ။ များသောအားဖြင့် ဥပါတတ်ပါတယ်။ အဲ့ဒီငါးကို မော်လမြိုင်ဘက်မှာ အများဆုံး တွေ့ရပြီး ရန်ကုန်ဘက်တော့ တစ်ခါတခါ ဈေးထဲမှာ တွေ့ရပါတယ်။ ဒါပေမယ့် ရန်ကုန်မှာ ရှိတဲ့ ငါးပုဏ္ဏားက ရွှေရောင်ဖျော့တော့တော့နဲ့ မလတ်သလို ထင်ရပါတယ်။ ဆော်ဆီဆိုတာကတော့ ငါးကို ကြော်ပြီး ပြန်နှပ်တာကို ကျွန်မတို့ မော်လမြိုင်ဘက်ကအခေါ်က ငါးဆော်ဆီပါတဲ့။
အခု ငါးပုဏ္ဏားဆော်ဆီလုပ်ဖို့အတွက် လိုအပ်တာတွေကို ပြောပြပါမယ်။ ငါးပုဏ္ဏား၊ မန်ကျည်းသီးမှည့်၊ ကြက်သွန်ဖြူ၊ ကြက်သွန်နီ၊ ငရုတ်သီးအရောင်မှုန့်အနည်းငယ်၊ ဆား၊ နနွင်း၊ သကြား၊ ငံပြာရည်နဲ့ အချိုမှုန့်တို့ပါနော်။
ငါးပုဏ္ဏားကို ရေဆေးပြီး နှုတ်ခမ်းမွှေးဖြတ်ပါမယ်။ ပြီးရင် အကြေးခွံခြစ်ထုတ်ပစ်ပြီး ဘေးနားက အတောင်လေးတွေကိုပါ ခုတ်ပစ်ပါ။ ငါးပါးဟက်ကို ဆွဲထုပ်ပစ်ပါ။ ငါးရဲ့ လည်ပင်းဘက်ကနေ ဗိုက်ထဲက အူနဲ့ ကလီစာတွေကို ဖယ်ထုတ်ပစ်ပါ။ ဥတွေကိုလည်း ဒီအတိုင်း ထားပေးပါ။ ပြီးရင် ငါးကို သန့်ရှင်းအောင် ရေတစ်ခေါက် ထပ်ဆေးပေးပြီး ငါးကိုယ်ပိုင်းကို ဓားနဲ့ သုံးမွှန်းလောက် မွှန်းပေးပါ။ ပြီးတော့မှ ဆား၊ သကြားအနည်းငယ်၊ အချိုမှုန့်အနည်းငယ်နဲ့ ငံပြာရည်နဲ့ နနွင်းမှုန့် အနည်းငယ်တို့ ထည့်ပြီး ငါးထဲ အရသာဝင်အောင် ကောင်းကောင်းမွန်မွန် နယ်ပြီး နှပ်ပေးထားပါ။
ကြက်သွန်ဖြူနဲ့ ကြက်သွန်နီတို့ကို အခွံနွှာ ရေဆေးပြီး မထူမပါး လှီးပေးထားပါ။ မန်ကျည်သီးကို ရေနွေးနဲ့ စိမ်ထားပြီး မန်ကျည်းနှစ်ရအောင် နယ်ပေးထားပါ။ ငရုတ်ဆံထဲ ငရုတ်သီးအရောင်မှုန့်လေးထည့်ပြီး ကြက်သွန်ဖြူထည့်ထောင်းပါ။ ပြီးရင် ကြက်သွန်နီထောင်းထည့်ပါ။ ငရုတ်သီးကြက်သွန်ခပ်များများလေး ထောင်းထားပေးပါနော်။ မန်ကျည်းနှစ်သပ်သပ် စစ်ထားပေးပါ။
အားလုံးအဆင်သင့်ဖြစ်ရင် မီးဖိုပေါ် ဒယ်အိုးတင်ပြီး ဆီထည့်ပါ။ ဆီကျက်ပြီဆိုတာနဲ့ ငါးတွေကို ဒယ်အိုးထဲ စီရီနေအောင်ထည့်ပြီ မီးအသင့်အတင့်နဲ့ ကြော်ပေးပါ။ ငါးကြော်တဲ့အခါမှာ အကျက်ညီ အကြွပ်ညီပြီး ကြေ မသွားရအောင် တစ်ဖက်ကို သေချာကြွပ်ပြီဆိုတော့မှ နောက်တစ်ဖက်ကို လှန်ရပါမယ်နော်။ ငါးပုဏ္ဏားကြော်တဲ့ အခါ တစ်ခုသတိထားရမှာက ငါးဗိုက်ထဲမှာ ငါးဥတွေ ပါနေတာမို့ ဆီအလွန်ပေါက်ပါတယ်။ မျက်နှာ၊ မျက်စိတို့ကို ဆီပူမစင်ရလေအောင် သတိထားပြီး ကြော်ပေးပါ။ မီးသိပ်ပြင်းရင်လည်း အပြင်က တူးပြီး အထဲက မကျက်ဖြစ်တတ်သလို မီးသိပ်နည်းရင်လည်း ငါးကြော်က မကျက်နိုင်ဘဲ ပျင်းတွဲတွဲကြီး ဖြစ်သွားတတ်ပါတယ်။ ငါးကြော်တွေရပြီဆိုရင်တော့ ဇကာလေးထဲထည့်ပြီး ဆီစစ်ပေးထားပါ။
ငါးဆော်ဆီလုပ်ဖို့ကိုတော့ ငါးကြော်ဆီနဲ့ ပြန်သုံးမှာမို့ ဆီများနေရင် ပန်းကန်လုံးတစ်လုံးထဲ ထည့်ထားပေးပါ။ ပြီးတော့မှ ဒယ်အိုးထဲ ဆီပူလာရင် နနွင်းမှုန့်လေးခပ်ပြီး ထောင်းထားတဲ့ ငရုတ်သီး ကြက်သွန်ထည့်ပြီး မီးအသင့်အတင့်နဲ့ ဆီသတ်ပေးပါ။ ဆီသတ်နဲ့ မွှေးလာပြီဆိုရင် ငံပြာရည်၊ မန်ကျည်းနှစ်နဲ့ သကြား၊ ဆားနည်းနည်းစီထည့်ပြီး မွှေပေးပါ။ ပြီးရင်တော့ ငါးကြော်လေးတွေကို ဒယ်အိုးထဲ စီစီရီရီထည့်ပြီး ခုနက ဆော်ဆီ အနှစ်တွေနဲ့ တစ်ကောင်ချင်းစီကို နှံ့အောင် စိတ်ရှည်လက်ရှည်နဲ့ မီးအေးအေးနဲ့ လုပ်ပေးပါနော်။ နောက်ဆုံးမှာ ငါးကြော်ထဲကို ဆော်ဆီအနှစ်အရသာတွေ ၀င်ပြီး ချဉ်ငံစပ်အရသာလေးနဲ့ ငါးဆော်ဆီတစ်ခွက် ရပါပြီနော်။ ငါးဆော်ဆီနဲ့ လိုက်ဖက်တဲ့ ဟင်းအမယ်တွေကတော့ အရွက်သုပ်တစ်မျိုးမျိုးနဲ့ ဟင်းခါးပူပူလေး တစ်မျိုးလောက်နဲ့ပါ။ စမ်းသပ်ကြည့်ကြပါဦးနော်။
0 comments:
Post a Comment