ဝက်သားကင်လုပ်စားကြရအောင့့့် 

 

ချစ်သောမောင်နှမများအားလုံး မင်္ဂလာပါရှင်။ ဒီနေ့တော့ ကျွန်မရဲ့ မောင်နှမတွေကို ၀က်သားကင်နည်းလေး မျှဝေပေးပါရစေရှင်။

ဝက်သားကို သန့်စင်အောင်ဆေးကြောပြီး တစ်လက်မအထူ၊ အလျားအရှည်ကတော့ ကိုယ်လိုချင်သလောက် အရှည်  ထားနိုင်ပါတယ်။ သုံးထပ်သားဖြစ်ဖြစ်၊ အသားဖြစ်ဖြစ်၊ ၀က်နံရိုးပဲဖြစ်ဖြစ်ပေါ့။ ပြီးရင် ၀က်သားတွေကို ဆူးချွန်နဲ့ ထိုးပေးပါ။ သုံးထပ်သားကင်မယ်ဆိုရင် အခေါက်ဘက်ကို အဓိကသတိထားပြီး ဆူးချွန်နဲ့ထိုးပေးပါ။

စပါးလင်အနည်းငယ်၊ ချင်းအနည်း ကြက်သွန်ဖြူ၊ ငရုတ်သီးစိမ်းတို့ကို ညက်အောင်ထောင်းပါ။ ပြီးရင် ဇလုံတစ်ခုထဲ ၀က်သား (အသား/သုံးထပ်သား/၀က်နံရိုး နှစ်သက်ရာကို) ကို ထည့်ပြီး ခုနက ထောင်းထားတဲ့ အဆာပလာတွေထည့်၊ ပြီးရင် ဆား၊ သကြား၊ ပဲငံပြာရည်အပျစ် (သိပ်များရင် အရောင်မည်းသွားတတ်ပါတယ်)၊ ပဲငံပြာရည်အကြည်၊ တရုတ် မာဆလာ၊ တရုတ် နံနံရွက်နုတ်နုတ်စင်း (အနံ့မကြိုက်ရင် မထည့်ပါနဲ့)၊ ငရုတ်ဆော့စ်အနည်းငယ်၊ နှမ်းဆီမွှေး အနည်းငယ်တို့ပါထည့်ပြီး သမအောင် နယ်ပေးပြီး ပလတ်စတစ်ဗူးထဲထည့်၊ လုံအောင်ပိတ်ပြီး ရေခဲသေတ္တာထဲ ထည့်ပြီး အနည်း ဆုံး ခြောက်နာရီလောက်  နှပ်ပေးထားတာပါ။

(၀က်သိုးစော်နံတယ်လို့ ပြောတဲ့ကျွန်မရဲ့ မိတ်ဆွေအတွက် ဒီနည်းကို စမ်းကြည့်ဖို့ တိုက်တွန်းပါရစေ။ ၀က်သိုးစော် လုံးဝမနံစေရပါဘူးနော်။ အာမခံပါတယ်။) အဆာပလာများကို မိမိ ကြိုက်နှစ်သက်တဲ့ အနံ့အရသာဖြစ်အောင် ညှိပြီး ထည့်နိုင်ပါတယ်။

ကင်တဲ့အခါ ကျွန်မက Grill စနစ်ပါတဲ့ Microwave ကို သုံးပါတယ်။ Grill system ရဲ့ အပူချိန်က Medium ဖြစ်ပါတယ်။ ကင်ဖို့အတွက် မိုက်ကရိုဝေ့ဖ်ထဲ ကင်စင်ကို အရင်ထည့်ပါတယ်။ ကင်စင်ရဲ့အောက်မှာ ပန်းကန်ပြားတစ်ချပ်ခံလိုက်ပါ တယ်။ အသားကင်တဲ့အခါ အဆီတွေထွက်လာတဲ့အခါ မိုက်ကရိုဝေ့ဖ်ကို ညစ်ပတ်မသွားရအောင်လို့ပါ။ Grill setting ကို ရွေးပြီး ပထမအနေနဲ့ ၁၅ မိနစ် အပူပေးပြီး အရင်ကင်ပါတယ်။ ပြီးရင် နောက်တစ်ဖက်ကိုလှန်ပြီး နောက်ထပ် ၁၅ မိနစ် ထပ်ကင်ပါတယ်။ ပြီးတော့မှ နောက်ထပ်တစ်ဖက်ကို ၅ မိနစ်စီ ထပ်ကင်နိုင်ပါတယ်။ ကိုယ်နှစ်သက်တဲ့ကြွတ်ရွမှုအပေါ် မူတည်ပြီး ကင်တဲ့အချိန်အတိုးအလျှော့ကို လုပ်နိုင်ပါတယ်။ အဲ့ဒါဆိုရင် အနံ့အရသာနဲ့ ပြည့်စုံတဲ့ ၀က်သားကင်ရပါပြီနော်။

မီးသွေး၊ဂက်စ်၊ လျှပ်စစ်မီး ကြိုက်တာနဲ့ ကင်နိုင်ပါတယ်နော်။ အဲ့ဒါတွေနဲ့ ကင်တဲ့အခါ အပေါ်မှာ ကင်မယ့် မီးကင်ပြားပေါ် မှာ ဆီသုပ်ပြီးမှ အသားတွေကို တင်ပြီး ကင်ပါမယ်နော်။ မီးသိပ်မများစေဘဲ အကျက်ညီအောင် မီးအသင့်အတင့်နဲ့ ကင်ပေးပါ။ မီးသိပ်များရင် တူးတဲ့နေရာတူးပြီး အတွင်းသား မကျက်ဖြစ်တတ်ပါတယ်။ ဒါဆိုရင် စားမကောင်းဘူးနော်။

အချဉ်အတွက် ဘိတ်ချဉ်လုပ်ပါမယ်။ ကြက်သွန်ဖြူနဲ့ ငရုတ်သီးစိမ်းကို ပါးပါးလှီးပေးပါ။ ပဲငံပြာရည်အကြည် ၂ ဆကို ရှာလကာရည် ၁ ဆထည့်ပါ။ ပြီးရင် ဆားနည်းနည်း၊ သကြားနည်းနည်းထည့်ပြီး ကြက်သွန်ဖြူနဲ့ ငရုတ်သီးစိမ်းကို ထည့်ပြီး မွှေလိုက်ပါ။ အဲ့ဒါဆိုရင် အချဉ်ရပါပြီ။

အဲ့ဒါဆိုရင် အနံ့အရသာနဲ့ ပြည့်စုံတဲ့ ၀က်သားကင်ရယ်၊ ဘိတ်ချဉ်ရယ်၊ အသီးအရွက်အတွက် ဆတ်လတ်ရွက်၊ ချယ်ရီ ခရမ်းချဉ်၊ ကြက်သွန်မြိတ်စတာတွေနဲ့ တွဲဖက်သုံးဆောင်နိုင်ပါတယ်။ ကင်မ်ချီနဲ့လည်း တွဲဖက်သုံးဆောင်နိုင်ပါတယ်နော်။ အဆင်ပြေကြပါစေရှင့့့် 

အမဲခြောက်ကိုယ်တိုင်လုပ်ပြီး မီးဖုတ်စားကြရအောင့့့် 

ချစ်သောမောင်နှမများအားလုံး မင်္ဂလာပါရှင့့့်  အမဲခြောက်လုပ်နည်းကို ဟိုနေ့က ဘလော့ဂ်မှာ ရေးပြီး draft မှာ ဆေ့ဖ်လုပ်ခဲ့ပြီး အပြင်သွားလိုက်တာ ပြန်လည်းလာရော တစ်လုံးမှ မကျန်တော့လို့ ထိုင်ငိုလိုက် ရသေးတယ်။ စိတ်နာနာနဲ့ ဒီနေ့ ဒီမှာ အပြီးရေးပြီး ပြန်တင်မယ်။ 

အမဲသား အသားကောင်းကောင်းကို ၀ယ်ပြီး ရေမဆေးဘဲ တစ်သျှူးနဲ့ သန့်စင် ပေးပါ။ ပြီးတော့ အမဲသားကို လက်နှစ်လုံးအထူ ခြောက်လက်မ အရှည်လောက်ရအောင် လှီးပေးပါ။ ပြီးတော့ ဆား၊ သကြား၊ သံပရာသီးတစ်လုံးရဲ့ အရည်နဲ့ ချင်းစိမ်း လက်သုံးဆစ်ကို ထောင်းပြီး အားလုံးရောပြီး အမဲသားထဲ ထည့်နယ်ပေးပါ။

ပြီးရင် အမဲသားတွေ ကို သီတံနဲ့ပဲ လှန်းလှန်း၊ ဇကာနဲ့ပဲလှန်းလှန်း ခြောက်အောင် လှန်းပါ။ မြန်မာနိုင်ငံ မှာ နေကျဲကျဲတောက်ပူရင် နှစ်ရက်လှန်းရင် ကောင်းကောင်းခြောက်ပါတယ်။ ချင်းရယ် သံပရာရည်ရယ် ပါတဲ့အတွက် အမဲသားခြောက်လှန်းနေတဲ့အချိန်မှာကတည်းက အနံ့က တော်တော်လေး ဆွဲဆောင်မှု အားကောင်းပါတယ်။ တစ်ရက်နေလှန်းပြီးရတဲ့အသားကိုလေ ကင်စားရယ် အမဲသား ရို့စ်လေး လိုပဲ မွှေးမွှေးအိအိလေးနဲ့ စားလို့ကောင်းသလို ၂ ရက်နေလှန်းပြီး ကောင်းကောင်းခြောက်နေတဲ့ အမဲခြောက်ကို မီးသွေးမီးနဲ့ပဲ ကင်ကင်၊ မိုက်ကရိုဝေ့ဖ်နဲ့ကင်ကင် အနံ့အရသာနဲ့ အရမ်း ကို ပြည့်စုံပါတယ်။ ရလာတဲ့ အမဲခြောက်ကို သတင်းစာစက္ကူပတ်၊ ပလတ်စတစ်အိတ် နဲ့ လေလုံ အောင်ထုပ်ပြီး အကြာကြီး သိမ်းထားနိုင်ပါတယ်နော်။ 

ကင်တဲ့အခါမှာ ပထမ ၇ မိနစ်လောက် ကင်ပြီးတော့ အမဲခြောက်ကို မွမွလေးဖြစ်အောင် ငရုပ်ကျည်ပွေ့နဲ့ ထုပေးပါတယ်။ ပြီးတော့မှ နောက် တစ်ဘက်ကို လှည့်ပြီး ကင်ပါတယ်။ ၃ မိနစ်လောက်ကင်လိုက်၊ ထုပေးလိုက်၊ အဲ့ဒီလိုနဲ့ အားလုံး အကျက်ညီအောင် ကင်ပြီးတော့မှ ပဲဆီမွှေးလေးဆမ်းပါ နော်။ အဲ့ဒါကို ကောက်ညှင်းပေါင်းနဲ့ဖြစ်ဖြစ်၊ ထမင်းဖြူ ပူပူလေးနဲ့ဖြစ်ဖြစ် တွဲဖက်သုံးဆောင်နိုင် သလို ကောက်ညှင်းမွှေးလက်ဖက်ခြောက်ခပ်ထားတဲ့ ရေနွေးကြမ်းပူပူလေးနဲ့လည်း သုံးဆောင်နိုင်ပါတယ်။ အဖျော်ယမကာ ကြိုက်နှစ်သက်သူတွေအတွက်လည်း အမြည်းတစ်လက်ပေါ့။
မိုက်ကရိုဝေ့ဖ်နဲ့ ကင်တဲ့အခါမှာ Grill Setting ကို ရွေးလိုက်ပါ။ Grill Setting  က မီးအားက Medium အဆင့်မှာ ရှိပါတယ်။ Grill Setting  ရွေးပြီးတဲ့အခါ စတီးစင်လေးကို တင်လိုက်ပါ။ အဲ့ဒီအပေါ်ကနေမှ အမဲခြောက်လေးတွေကို တန်းစီပြီး တင်ပါတယ်။ ပြီးတော့ မလုက ၁၀ မိနစ် အပူပေးလိုက်ပါတယ်။ ၁၀ မိနစ်ပြည့်ရင် အမဲခြောက်တွေကို ငရုတ်ကျည်ပွေ့နဲ့ အသာထုပေးပါတယ်။ ပြီးမှ ၃ မိနစ်တစ်ခါ တစ်လှည့်စီ လှည့်ကင်ရင်းနဲ့ ထုလိုက် ကင်လိုက် လုပ်ပေးပါတယ်။ အားလုံး မိနစ် ၂၀ လောက်ဆိုရင်တော့ အနံ့အရသာနဲ့ အလွန်ပြည့်စုံလှတဲ့ အမဲခြောက်ကင်လေး ရပါပြီနော်။ ချင်းရည်နဲ့ ချင်းဖတ်လေးတွေပါတဲ့ အတွက် အမဲခြောက်ရဲ့ အနံ့အရသာက အရမ်းကို ကောင်းမွန်လှပါတယ်။ စမ်းသပ်ကြည့်ကြပါဦးနော်။

အမဲခြောက်ကို မီးဖုတ်တာအပြင် ခရမ်းချဉ်သီးနဲ့ချက်တာရော၊ ပြုတ်ကြော်လုပ် တာရော၊ ဘာလချောင် ကြော်တာပဲဖြစ်ဖြစ် နည်းမျိုးစုံနဲ့ ချက်စားလို့ ရပါတယ်။ အမဲသားနံ့ညှီလို့ မခံနိုင်ဘူး ဆိုတဲ့ မောင်နှမတွေအတွက်၊ အမဲသား ချက်ရတာ အနူးခက်တယ်ဆိုတဲ့ မောင်နှမတွေအတွက် ဒီ နည်းလေးက အရမ်းကို အဆင်ပြေပါတယ်နော်။ နောက်ပြီး အမဲသားဟင်းချက်ရင် အဆီတွေနဲ့ ခဲသွားတဲ့ ပြဿနာမျိုးလည်း မကြုံရတော့ဘူးလေ။ စမ်းသပ်ကြည့်ကြပါနော်။ 

အမဲသားမစားတဲ့ မောင်နှမတွေကတော့ ဆတ်သား၊ ဆိတ်သားတို့ကို ဒီနည်းနဲ့ အခြောက်လှန်းပြီး လုပ်စားနိုင်ပါတယ်နော်။

မိုက်ကရိုဝေ့ဖ်နဲ့ ငါးကင်ကြမလား

ချစ်သောမောင်နှမများအားလုံးမင်္ဂလာပါရှင်။

ဒီနေ့တော့ မောင်နှမများအတွက် လွယ်ကူမြန်ဆန်ပြီးအရသာရှိလှတဲ့ ငါးကင်လေး လုပ်ကျွေးပါဦးမယ် နော်။

ငါးကင်ဖို့အတွက် လိုအပ်တဲ့ပစ္စည်းတွေကတော့ ဆလားဗီးယား (၅၀) ကျပ်သားတစ်ကောင်၊ ကြက်သွန်ဖြူ ၇ မွှာ၊ ငရုတ်သီးစိမ်း (အစပ်စားနိုင်သလောက်)၊ ချင်း တစ်တစ်ဆစ်၊ စပါးလင်တစ်ပင်၊ ဆားအနည်းငယ်၊ သကြားအနည်းငယ်၊ ဟင်းခတ်မှုန့်အနည်းငယ်၊ ရွှေပဲတံဆိပ် ငရုတ်သီးအနှစ် အနည်းငယ် (မရှိခဲ့ရင်လည်း ငရုတ်သီးအပွတောင့်ကို အစေ့ထုတ်ညက်အောင်ထောင်းပြီး ထည့်ပါ)၊ ပင်စိမ်း လက်တစ်ဆုပ် စတာတွေပါနော်။

ငါးကို သန့်ရှင်းအောင် ဆေးကြောပြီး ဗိုက်ထဲက ကလီစာတွေထုတ်ပစ်ပါ။ ငါးခေါင်းပိုင်းကို  လည်း သေချာဆေးကြောပြီး ငါးကို ၂ ချက်စီလောက် မွှန်းပေးပါ။ ပြီးရင် အဆာပလာများဖြစ်တဲ့ ကြက်သွန်ဖြူ၊ ချင်း၊ ငရုတ်သီးစိမ်း၊ စပါးလင် စတာတွေကို ညက်အောင်ထောင်းပါ။ ပင်စိမ်းကိုလည်း ပါးပါးလှီးပြီးနောက် ထည့်ထောင်းပေးပါ။ အရသာအတွက် ဆား၊ သကြား၊ အချိုမှုန့်စတာတွေကို ထည့်ပါ။ ငရုတ်နှစ်ကိုလည်း ထည့်ပေးပါ။ အဆာပလာအားလုံးသမအောင် နယ်ပေးပါ။

ပြီးရင် ငါးထဲကို အဲ့ဒီအဆာပလာတွေအားလုံးစိမ့်ဝင်သွားအောင် နယ်ပေးပါ။ ငါးဗိုက်ထဲကိုလည်း အဆာတွေ သွပ်ပေးပါ။ ပြီးရင် ရေခဲသေတ္တာထဲထည့်ပြီး အနည်းဆုံး ၁ နာရီလောက်ကြာအောင် နှပ်ပေးထားပါ။

စားခါနီးနာရီဝက်လောက်အလိုမှာတော့ ငါးကို ရေခဲသေတ္တာထဲကနေ ထုတ်ယူပြီး ကြွေပန်းကန်ပြားထဲ ထည့်ပါ။ ပြီးတော့မှ မိုက်ကရိုဝေ့ဖ်ထဲကို ထည့်ပြီး ၁၀ မိနစ်အရင်အပူပေးလိုက်ပါ။ ပြီးရင် နောက်တစ်ဖက်ကို လှန်ပြီး ၁၀ မိနစ်ထပ်အပူပေးပါ။ ပြီးရင်တော့ Grill System နဲ့ ကင်ဖို့အတွက် တစ်ဖက်ကို နောက်ထပ် ၅ မိနစ်လောက်စီ ပေးလိုက်ပါနော်။

အဲ့ဒါဆိုရင်တော့ သင်းပျံ့မွှေးကြိုင်တဲ့ ရနံ့လေးနဲ့ အရသာရှိလှတဲ့ ငါးကင်လေးရပါပြီနော်။

(မိုက်ကရိုဝေ့ဖ်နဲ့ ကင်တာမို့ မီးသွေးနဲ့ ကင်သလိုတော့ သိပ်ပြီး မမွှေးလှဘူးလို့ ပြောရင်လည်း ရပါတယ်။ ဒါပေမယ့် မီးသွေးနဲ့ ကင်သလို တူးမသွားဘူး။ အညှော်သိပ်မထွက်ဘူး။ ငါးကိုပေါင်းပြီး ကင်သလိုလေးဖြစ်တာမို့ အရသာလည်းရှိ၊ မီးဖိုဆောင်လည်း မညစ်ပတ်ဘူးပေါ့နော်။

အဲ့တော့ အချဉ်လုပ်နည်းလေး ရေးပေးဖို့မေ့သွားလို့။

မန်ကျည်းသီးကို ရေနွေးနဲ့ဖျော်ပြီး အနှစ်ယူထားနော်။ ပြီးရင် ကြက်သွန်ဖြူ၊ ငရုတ်သီးစိမ်းထောင်း ထား ပေး။ ပြီးရင်တော့ မန်ကျည်းနှစ်ရယ်၊ ထောင်းထားတဲ့အဆာပလာရယ်၊ ထန်းလျက်ခဲလေးနည်းနည်း ထည့်၊ ဆားနည်းနည်းထည့်၊ ငံပြာရည်လေးနည်းနည်းထည့်၊ ရေနွေးလေးထည့်ပြီး ပွက်ပွက်ဆူအောင် တည်ပေးပါ။ ပြီးရင် အချဉ်အပေါ့အငန်အရသာကိုမြည်း၊ လိုတဲ့အရသာ ထပ်ဖြည့်၊ မွှေးသွားရ အောင်လို့ ပင်စိမ်းရွက်လေး ရိတ်ရိတ်ပါအောင်လှီးပြီးအုပ်လိုက်။ အဲ့ဒါဆိုရင် အချဉ်လေး ရပြီ။

ထမင်းဖြူပူပူလေးရယ်၊ ဆတ်လတ်၊ ဂေါ်ဖီ၊ မုန်လာဥနီ စတဲ့အသီးအရွက်တွေနဲ့အတူ တွဲဘက် သုံးဆောင်နိုင်ပါတယ်။  ကောက်ညှင်းမွှေးလက်ဖက်ခြောက်ခပ်ထားတဲ့ ရေနွေးလေးနဲ့ သုံးဆောင်နိုင် သလို အချိန်ရမယ်ဆိုရင်တော့ ဗူးသီးဟင်းခါးလေးချက်၊ ပဲကြာဆံလေးခပ်ပြီး ဟင်းခါးလေးနဲ့ဆိုရင်တော့လည်း ပိုပြီး ပြည့်စုံသွားစေတာပေါ့နော်။

အဲ့ဒီနည်းက လွယ်လို့ မကြာခဏ အိမ်မှာလုပ်စားဖြစ်ပါတယ်။ ဧည့်သည်လာတဲ့အခါကျရင်လည်း ငါးဟင်းချက်မယ့်အစား ဒီလိုလေးလုပ်ကျွေးလိုက်တော့ အထူးအဆန်းလေးလည်းဖြစ်စေတော့ မျက်နှာပန်းလှတာပေါ့နော်။

ပုဇွန်ကင် မွှေးမွှေးလေး

ပုဇွန်ကို ချက်စားရတာထက်၊ သုပ်စားတာရယ်၊ ကင်စားတာရယ်ကို ကြိုက်ပါတယ်။
ပုဇွန်ကင်တဲ့အခါမှာ ထွက်လာတဲ့ အနံ့မွှေးမွှေးလေးရယ်၊ ပြီးတော့
ပူပူနွေးနွေးအချိန်လေးမှာ သံပုရာရည်လေး နည်းနည်းဆမ်းပြီး တို့စားရတဲ့
အရသာကိုလည်း သိပ်နှစ်သက်ပါတယ်။
အခုတော့ ကျွန်မသိပ်ကြိုက်တဲ့ ပုဇွန်ကင်အကြောင်းကို ပြောပါပြမယ်နော်။

ပုဇွန်ကင်ဖို့အတွက် မီးသွေးမီးဖိုနဲ့ဆိုရင် အဆင်ပြေပါတယ်နော်။
ပုဇွန်တွေကို ရေသန့်စင်အောင်ဆေးပြီး ရေစစ်ထားပါတယ်။ မီးတက်လာတာ
ညီပြီဆိုရင်တော့ မီးဖိုပေါ် ကင်ဖို့ ဇကာလေးကိုတင်၊ ပြီးတော့မှ အပေါ်ကနေ
ပုဇွန်လေးတွေကို တန်းစီပြီး ကင်ပေးပါနော်။ အကျက်ညီပြီး မတူးသွားရလေအောင်
ဟိုဘက်ဒီဘက် လှန်ပေးဖို့လည်း မမေ့နဲ့နော်။ ကျက်ခါနီးပြီဆိုရင်တော့
ပုဇွန်လေးတွေက ကွေးကွေးလေးနဲ့ နီရဲရဲလေးဖြစ်လာပြီး အနံ့ကလည်း
မွှေးကြိုင်ပြီး ထွက်လာတော့တာပါပဲနော်။
ပန်းကန်ပြားထဲမှာ ရှောက်ရွက်လေးတွေ ခင်းပြီး ကျက်သွားတဲ့
ပုဇွန်ကင်လေးတွေကို တန်းစီပြီး ထည့်ပေးပါ။ ပုဇွန်ကင်က အပူနဲ့
ရှောက်ရွက်နဲ့ အတွေ့မှာ ရှောက်ရွက်နဲ့ အနံ့ရှိန်းရှိန်းမွှေးမွှေးလေးက
ပုဇွန်ကင်ထဲကို စိမ့်ဝင်သွားပြီး စားတဲ့အခါမှာ ပိုပြီး
ခံတွင်းတွေ့လှပါတယ်။
တချို့ကတော့ ပုဇွန်ကင်ကို ဒီအတိုင်းစားတတ်သလို တချို့ကလည်း
သံပုရာရည်လေးနဲ့ ငံပြာရည်လေးကို ရော၊ ငရုတ်သီးစိမ်းလေးနဲ့၊ ကြက်သွန်ဖြူ
မညက်တညက်ထောင်းပြီးစပ်ထားတဲ့ အချဉ်ရည်လေးနဲ့
တွဲဖက်သုံးဆောင်တတ်ကြပါသေးတယ်။
ပုဇွန်ကင်မွှေးမွှေးလေးကို အားပေးကြဦးနော်။

ငါးကင်မွှေးမွှေးလေး

ပုဇွန်အစိမ်းသုပ်လေးစားချင်လို့ ဈေးဝယ်သွားတာ ပုဇွန်ပါမလာဘဲ ငါးဝယ်ပြီး ပြန်လာရတဲ့အဖြစ်။ ပုဇွန်တွေက စိတ်ကြိုက်မတွေ့တာနဲ့ပဲ စိတ်ကူးပြောင်းပြီး ငါးပဲ ၀ယ်လာခဲ့တာ။ ငါးကိုလည်း ဟင်းချက်မစားဘဲ ငါးကင်လေး စားရရင် ကောင်းမယ်လို့ တွေးမိတယ်လေ။ ရာသီဥတုကလည်း အခု အေးစပြုလာပြီဆိုတော့ ငါးကင်လေးနဲ့ ထမင်းပူပူလေးနဲ့ စားရရင် သိပ်ကောင်းမှာပဲလို့တွေးရင်း ဂလုကနဲမြည်အောင် တံတွေးမျိုချမိပါတယ်။

more...

ငါးကင်လုပ်ရတာ လွယ်ပါတယ်နော်။ ဒီကငါးတွေက ပင်လယ်ငါးတွေများတော့ အကြေးခွံချွတ်စရာလဲ မလိုဘူးလေ။ အဲ့ဒီတော့ ငါးကို ရေဆေးပြီးတော့ နည်းနည်းလေး မွှန်းလိုက်တယ်။ ပြီးတော့မှ ဆားရယ် ဂျင်းအရည်နဲ့ သေသေချာချာလေး နယ်ပြီး ၁၀ မိနစ်လောက်နှပ်ထားလိုက်တယ်။ ပြီးတော့မှ ဂက်စ်မီးဖို အလယ်ကြားထဲထည့်ပြီး ကင်လိုက်တာပဲ။ အခုဝယ်လာတဲ့ငါးက အဆီအရမ်းထွက်ပါတယ်။ ကင်တဲ့အခါမှာ ဟိုဘက်ဒီဘက် အကျက်ညီအောင် သေချာကင်ပေးပါနော်။ ငါးကင်ညှော်နံ့တော့ နည်းနည်းနံပေမယ့် စားတဲ့အခါကျရင် အရသာကောင်းလွန်းတဲ့အတွက် အညှော်ခံပြီး ကင်လိုက်ပါတယ်။ ငါးကင်ထားတဲ့အချိန်မှာ ခရမ်းချဉ်သီးလေးလှီး၊ ကြက်သွန်မြိတ်လေး လှီးထားပြီး dressing ချဉ်ငံအရသာလေးကို ထည့်လိုက်ပါတယ်။ ကြက်သွန်ဖြူတစ်မွှာနဲ့ ငရုတ်သီးတစ်တောင့်လဲ ထည့်လိုက်ပါသေးတယ်။ ဟင်းရည်သောက် အတွက်ကတော့ တိုဟူးနဲ့ ကြက်ရိုးပြုတ်တစ်ခွက်စာ ရှိသေးတယ်လေ။ အဲ့ဒီဟင်းရည်လေးနဲ့ပဲ တွဲလိုက်ပါတယ်နော်။ ငါးကင်အနံ့လေး သေချာမွှေးလာပြီဆိုရင်တော့ မတူးခင် မီးဖိုထဲက အမြန်ထုတ်လိုက်ပါနော်။ တူးနေတဲ့အပိုင်းလေးတွေရှိရင် ဖယ်လိုက်ပြီး စားလို့ရပါပြီနော်။ ချစ်မောင်နှမတွေလဲ ငါးကင်မွှေးမွှေးလေးနဲ့ ထမင်းပူပူလေး အားပေးကြပါဦးနော်။