Saturday, August 23, 2008

အုန်းထမင်း



မင်္ဂလာပါရှင့့့်  ဒီနေ့တော့ ကျွန်မရဲ့ မောင်နှမတွေကို အုန်းထမင်းချက်နည်းလေးပြောပြပါရစေနော်။ အုန်းထမင်းချက်နည်း မေးထားတဲ့ မောင်နှမတွေအတွက် ထမင်းချက်တဲ့ပေါင်းအိုးနဲ့ အုန်းထမင်း ချက်နည်းလေး ကို ပြောပြပါမယ်နော်။
အုန်းထမင်းချက်ဖို့ လိုအပ်တဲ့ပစ္စည်းတွေကတော့
ဆန်နို့ဆီဗူး (၃) လုံး
အုန်းနို့ရည် (၁) ဗူး
ရေ
ဆား လက်ဘက်ရည်ဇွန်း (၁) ဇွန်း
သကြား လက်ဘက်ရည်ဇွန်း (၁) ဇွန်း (အချိုကြိုက်ရင်ပိုထည့်ပါနော်)
ကြက်သွန်နီ ဥကြီးကြီး ၂ လုံး
ဆီ ထမင်းစားဇွန်း ၁ ဇွန်းတို့ပါနော်။



ဆန်ကို သန့်စင်အောင် ရေဆေးပေးပါ။ ကြက်သွန်နီကို အခွံနွှာ ရေဆေးပြီး လေးစိတ် စိတ်ပေးပါ။ ပြီးရင် အလယ်ကနေ ကန့်လန့်ထပ်စိတ်ပေးပါ။

အိုးတစ်လုံးကိုယူ မီးဖိုပေါ်တင် ဆီထည့်၊ အုန်းနို့ဗူးကို ဖောက်ပြီးထည့်၊ ပြီးရင် ဆားနဲ့ သကြားကို ထည့်ပေးပါ။ ပြီးရင် မီးအသင့်အတင့်နဲ့ အဲ့ဒီအုန်းနို့ကို သုံးခွက် ၂ ခွက်တင်ရအောင်ကျိုပေးပါ။ ရလာတဲ့ အုန်းနို့ရည်ကိုလည်း ပန်းကန်လုံးထဲ ထည့်ပေးထားပါ။

ဆေးထားတဲ့ ဆန်ကို rice cooker ထဲထည့်၊ ရေကို နို့ဆီဗူး ၂ လုံးခွဲနဲ့ ကျိုထားတဲ့ အုန်းနို့ရည်ကို ထည့်ပါ။ ပြီးရင် လှီးထားတဲ့ ကြက်သွန်တွေကို ထည့်ပြီး ထမင်းပေါင်းအိုးခလုပ်ကို နှိပ်လိုက်ရုံပါပဲနော်။

ထမင်းအိုး ပွက်လာတဲ့အချိန်ကျရင်တော့ ထမင်းအိုးကို အထက်အောက် နှံ့အောင် မွှေပေးပါနော်။

ထမင်းအိုး ခလုပ်တက်တက်ပြီးချင်းမှာလည်း ထမင်းမခူးလိုက်နဲ့ဦးနော်။ အနည်းဆုံး ၁၅ မိနစ်၊ မိနစ် ၂၀ လောက် နှပ်ပေးထားလိုက်ဦးနော်။ ပြီးမှ ထမင်းခူးပါနော်။

အုန်းထမင်းနဲ့ တွဲစားတတ်တဲ့် ဟင်းတွေကတော့ ကြက်သားဟင်း၊ အမဲနှပ်၊ သခွားသီးသနပ်၊ ဘာလချောင် ကြော်၊ သခွားသီး၊ တညင်းသီးပြုတ်၊ ချဉ်ပေါင် (သို့မဟုတ်) ကင်ပွန်းချဉ်ရွက် ဟင်းရည်တို့ပါနော်။

ကျွန်မတို့အိမ်မှာတော့ အုန်းထမင်းချိုးနဲ့ မုန့်ဟင်းခါးကို တွဲစားတတ်ပါတယ်။ အုန်းထမင်းနဲ့ ဒူးရင်းသီးနဲ့နယ်၊ သကြားလေးဆားလေးထည့်ပြီး နယ်စားတတ်ပါတယ်။ သရက်သီးမှည့်နဲ့လည်း စားတတ်ပါတယ်။ တစ်ခါတလေတော့ အမဲသားကြွပ်ကြော်၊ ကြက်သားကြွပ်ကြော်တို့နဲ့လည်း စားတတ်ပါတယ်။

အုန်းထမင်းအိမ်မှာချက်ဖြစ်တဲ့နေ့ကျမှ ဓာတ်ပုံတင်ပေးမယ်နော်။ အခုတော့ အင်တာနက်ထဲက အုန်းထမင်းပုံလေးနဲ့ပဲ အာသာဖြေလိုက်ဦးနော်။

မှတ်ချက်။ ဆန်ပျော့မယ်လို့ ထင်ရင် ရေလျော့ထည့်ပါနော်။ ရိုးရိုးဆန်ကို ဘာစမာတီဆန်လေး ရောပြီးချက်ရင် ထမင်းသား ပိုလှပါတယ်နော်။

7 comments:

  1. ကျမတို့ ကတော့ ကြက်သွန်နီ ဥသေးသေးလေးတွေ အများကြီးထဲ့တယ် ဒါမှ အလုံးလိုက်ပုံမပျက်ဘဲ စားနိုင်တယ်။ အုန်းထမင်းနဲ့  မုန့်ဟင်းခါး တို့ မှာ ကြက်သွန်နီဥကို အလုံးလိုက်စားရတာ ပိုကောင်း သလားလို့  ဒါ့ကြောင့် ဥအသေးဘဲ သုံးတယ်ရှင့်

    ReplyDelete
  2. တစ်ကျောင်းတစ်ဂါထာ တစ်ရွာတစ်ပုဒ်ဆန်းပေါ့ဆောင်းရယ့့့်  ဆောင်းပြောသလို ကြက်သွန်ဥကို အလုံးလိုက်ထည့်ပြီး ချက်ကြည့်ဦးမယ်နော်။ ကျေးဇူးပါနော်။

    ReplyDelete
  3. မလုလုရေ ဒီနေ့ပေါင်းအိုးနဲ့ ချက်စားတာ အုန်းထမင်းကို ... ပြစ်လိုက်ရတယ်ဗျာ ... ပျက်သွားလို့ အခုတော့ မလုလုပြောတဲ့ နည်းအတိုင်း ချက်ကြည့်စမ်းမယ် ... ကျက်ရင် လာစားလှည့်နော် ... :)

    ReplyDelete
  4. မလုလုရှင့်၊

    မလုလုရဲ့ဟင်းချက်နည်းတွေအကုန်ကြိုက်ပါတယ်။ ဒါပေမယ့် ဟင်းချက်နည်းတိုင်းကို ဖတ်မရဘူးဖြစ်နေပါတယ်။ တစ်ချို့နေရာတွေမှာ more ... လို့ပြောထားပြီးဝင်လိုက်ရင် blog ထဲကိုသွားခိုင်းနေပါတယ်။ အကုန်ဖတ်လို့ရအောင် ဘယ်လိုလုပ်ရမလဲမသိဘူးရှင့်။ ကျေးဇူးတင်လျက်...

    အေပရယ်

    ReplyDelete
  5. ကျေးဇူးတင်ပါတယ်ရှင်။ ဒီနေ့ပဲချက်စားကြည့်လိုက်ပါမယ်နော် :)

    ReplyDelete
  6. ဆီကဘယ်အချိန်ထည့်ရတာလဲဗျ

    ReplyDelete
  7. လူတက်ကြီးလုပ်ပီးချက်တာ ပျက်မလိုဖြစ်တုန်း အပြေးအလွှားဖတ်ရတယ်ဗျာ...တော်သေးတယ် မပျက်လို့ကျေးဇူး...:P

    ReplyDelete