ငါးခေါင်းဟင်းချို (မွန်ချက်)

အားလုံးမင်္ဂလာပါရှင်။ ကျွန်မမောင်နှမတွေကို ဒီနေ့တော့ ငါးခေါင်းဟင်းကို မွန်ချက်လေး ချက်ပေးပါမယ်နော်။ မွန်ချက်ဆိုတော့ မရမ်းပြား၊ ငရုတ်သီးစိမ်းကတော့ ဇာတ်လိုက်ကျော်ပေါ့။
ငါးခေါင်းဟင်းချက်ဖို့ လိုအပ်တဲ့ ပစ္စည်းလေးတွေကို အရင်ပြောပြမယ်နော်။

(၁) ငါးခေါင်း ၃ ကီလို + ငါးစီပေါင်း အနည်းငယ်

(၂) မရမ်းပြား ၂၀ ဂရမ် (မရမ်းပြားမရှိခဲ့ရင် သံပုရာသီး သို့မဟုတ် ရှောက်သီး သုံးနိုင်ပါတယ်)

(၃) ကြက်သွန်ဖြူ ၁၀ မွှာ (ဓါးပြားထုပါ)

(၄) ငရုတ်သီးစိမ်း (ကုလားအော်၊ မိုးမျှော်) အစပ်စားနိုင်သလောက်ထည့်ပါ

(၅) ကြက်သွန်နီ အလုံးကြီး ၁ လုံး

(၆) ပုဇွန်ငါးပိစိမ်းစား စားပွဲတင်ဇွန်း ၁ ဇွန်းခွဲ

(၇) ငံပြာရည် စားပွဲတင်ဇွန်း ၄ ဇွန်း

(၈) ဟင်းခတ်မှုန့် အနည်းငယ်

(၉) နံနံပင် (သို့မဟုတ်) ရှမ်းနံနံ
(၁၀) စပါးလင်နဲ့ ဂျင်းအနည်းငယ်စီ (နုတ်နုတ်စင်းထားနော်)

(၁၁) ဆား လက်ဘက်ရည်ဇွန်း ၅ ဇွန်းတို့ပါနော်။

ငါးခေါင်းကို ရေစင်အောင်ဆေးပြီး ငါးဦးခေါင်းရဲ့ ပါးစောင်နားမှာရှိတဲ့ အကြေးခွံကိုတွေ အသေအချာ ဖယ်ရှားပေးပါ။ ပြီးရင် ငါးပါးဟက်တွေကိုလည်း အသေအချာ အကျိအချွဲတွေ ကုန်အောင် ဆားနဲ့ နယ်ပြီး ဆေးပေးပါ။ ငါးစီပေါင်းတွေကိုလည်း ရေနဲ့ သေချာဆေးပေးပါ။ ပြီးတဲ့အခါ သူ့ကို ဆား၊ အချိုမှုန့်၊ ချင်းရည်၊ ငါးပိစိမ်းစားအနည်းငယ်၊ ငံပြာရည်လေးနဲ့ နယ်ထားလိုက်နော်။
စပါးလင်ကို အကြမ်းဖတ်တွေဖယ်ရှားပစ်ပြီး ထိပ်ပိုင်းအရွက်တွေကို ရေစင်အောင်ဆေးပြီးအထုံးထုံးထားပါ။ ကျန်အရင်းပိုင်းကို ခပ်နုတ်နုတ်လှီးထားပေးပါ။ ကြက်သွန်ဖြူ၊ နီ၊ ချင်းတို့ကို အခွံနွှာရေဆေးပေးထားပါ။ ငရုတ်သီးစိမ်းကိုလည်း အညှာခြွေ၊ ရေဆေးပြီး ဖယ်ထားပါ။
ပြီးရင် ငရုတ်ဆုံထဲကို စပါးလင်၊ ချင်း၊ ငရုတ်သီးစိမ်း၊ မရမ်းပြား၊ ကြက်သွန်ဖြူ၊ ကြက်သွန်နီတို့ကို ထည့်ထောင်းပေးပါ။ ရှမ်းနံနံကိုလည်း သန့်စင်အောင်ရေဆေးပေးထားပါ။ အားလုံးအသင့်ဖြစ်ပြီဆိုရင် ဟင်းရည်အိုးလေး စတည်ရအောင်နော်။ အိုး ခပ်ကြီးကြီးကိုယူနော် ... ရေ ၂ လီတာလောက်ထည့်ပြီး ဆူအောင်တည်ပေးပါနော်။ ပြီးရင် ထောင်းထားတဲ့ မရမ်းပြား၊ စပါးလင်၊ ဂျင်း၊ ကြက်သွန်ဖြူ၊ ငရုတ်သီးစိမ်း၊ ကြက်သွန်နီကို ထည့်လိုက်ပါ။ အနံ့မွှေးရအောင် ထုံးထားတဲ့ စပါးလင်အရွက်တွေကိုလည်း ထည့်ပေးပါ။ ဆား၊ ငံပြာရည် အချိုမှုန့်လေးတွေလဲ ထည့်နော်။ အဲ့ဒီ ပွက်ပွက်ဆူလာအောင် စောင့်နော်။ ဟင်းအိုးပွက်ပွက်ဆူလာပြီဆိုရင် အရသာလေးကို မြည်းလိုက်ပြီးတော့ ခုနက နယ်ထားတဲ့ ငါးတွေကိုထည့်လိုက်ပါ။ အဖုံးလေးအုပ်ထားလိုက်ပြီး ဟင်းအိုးပွက်လာတဲ့အထိ တည်ပေးပါနော်။
ဟင်းအိုးပွက်လာပြီဆိုတာနဲ့ အပေါ့အငံ လေးကိုလဲ မြည်းလိုက်ဦးနော်။ မြည်းလိုက်တာနဲ့ လျှာကနေ အရသာပေါင်းစုံကို ထိတွေ့မိပါတော့မယ်။ ဖြေးဖြေးမြည်းနော် ။ ငရုတ်သီးစပ်တော့ သီးမှာစိုးရတယ် ၊ချဉ်ငံစပ်လေးပေါ့၊ ကိုယ့်စိတ်ကြိုက်အရသာရပြီဆိုရင်တော့ ရှမ်းနံနံလေးအုပ်ပြီး ဟင်းအိုးချလို့ရပါပြီနော်။ အဲ့ဒါဆိုရင်တော့ ငါးခေါင်းဟင်းချို ချဉ်ငံစပ်လေးရပါပြီနော်။ ငါးစီပေါင်းလေးကလည်း ထုပ်ထုပ်လေးနဲ့ စားလို့တော်တော်လေးကောင်းပါတယ်နော်။ မောင်နှမတွေလည်း ငါးခေါင်းဝယ်လာတဲ့အခါ အသစ်အဆန်းလေးလည်းဖြစ်အောင်၊ အရသာလည်း လျှာလည်သွားရအောင် မွန်ချက်လေး ချက်စားကြည့်လိုက်ဦးနော်။