ဗူးသီးပုတတ်စာဟင်းခါး

ဧပြီလထဲရောက်ပြီဆိုတော့ ရန်ကုန်ရဲ့ အပူချိန်က သိသိသာသာတိုးလို့
ပူနေပါပြီ။ ရာသီဥတု ပူလာတဲ့အခါမှာ အိမ်သားတွေ ထမင်းစားမြိန်ဖို့
ဘယ်လိုဟင်းအမယ်မျိုးတွေကို ချက်ပြုတ်ရင်ဖြင့် အိမ်သားတွေအတွက်
အဆင်ပြေမလဲဆိုတာ စဉ်းစားပြီး ခေါင်းခြောက်ရတာ အိမ်ရှင်မတွေပေါ့။
မိသားစုဝင် ကိုးဦးရှိတဲ့ ကျွန်မတို့အိမ်အတွက် ဟင်းအမယ် စဉ်းစားတဲ့အခါ
သိပ်ပြီး စိတ်ညစ်ရပါတယ်။ လူကြီးတွေအတွက်က တစ်မျိုး၊ ကျွန်မတို့ ညီအမတွေက
ချဉ်ငံစပ်၊ အကိုနဲ့မောင်အတွက်ကျတော့ အရိုးမပါတဲ့ ဟင်း၊ တူ၊
တူမတွေအတွက်ကျတော့ သူတို့အကြိုက်လည်းပါစေ၊ အာဟာရဓာတ်လည်း စုံစေဆိုတော့
တစ်နေ့တစ်နေ့ ဈေးမသွားခင် ၀ယ်ရမယ့် ဟင်းစားအတွက် ဘယ်သူရေ
ဘာဟင်းစားချင်လဲ ဆိုပြီး မနက်အစောကြီး ထမေးရတာ ကျွန်မအလုပ်။ တခါတလေများ
သူတို့မှာတာ မရလို့ အဆင်ပြေတာလေး ၀ယ်ချက်ပြန်တော့ မမကြီးက မေးတုန်းက
မေးပြီး ချက်တာကျတော့ သူချက်ချင်တာ ချက်တယ် ဖြစ်ပြန်ရော့့့့ 
ကိုယ့်အကြိုက်ချည်းပဲလည်း ၀ယ်ချက်လို့မရပြန်၊ အဖေနဲ့ အမေက ၀က်၊ အမဲနဲ့
ခြေလေးချောင်း မစား၊ ဒါပေမယ့် ဟင်းရည်သောက်မပါလို့ မဖြစ်၊ ကျွန်မတို့
မောင်နှမတွေထဲက ကျွန်မက ငါးပုစွန်ကို ပိုကြိုက်ပြန်၊ အစ်ကိုနဲ့ မောင်လေးက
ဝက်သားကြိုက်၊ ကလေးတွေကျတော့ ကြက်သား ဒါမှမဟုတ် ဘဲသားကို ပြုတ်ကြော်ပြီး
ပဲငံပြာရည်အချိုနဲ့ ပြန်ပြီး ကြော်ထား (မော်လမြိုင်အခေါ် ပဲဆီချက်)
အဲ့ဒါကို ကြိုက်တယ်၊ ပြီးတော့ဟင်းရည်သောက်ပါမှ့့့  အဲ့ဒီတော့ ကျွန်မမှာ
အိမ်သားအားလုံးအဆင်ပြေအောင် စိတ်ကြိုက်ဝယ်ခြမ်းချက်ပြုတ်ချင်ပေမယ့်စားသုံးကုန်တွေရဲ့ ဈေးနှုန်းရယ်၊
ရာသီပေါ် အစားအစာရယ်၊ ရာသီဥတုနဲ့


သင့်တင့်လျောက်ပတ်တဲ့ အစားအစာဖြစ်အောင် ပြန်ပြီး စီစဉ်ရတာမို့
စိတ်ကြီးရယ် ညစ်လှပါရဲ့လို့ ညီးတွားမိတာ အကြိမ်ကြိမ်။
ဒါနဲ့ပဲ အိမ်သားအားလုံးအတွက် အဆင်လည်းပြေစေမယ်၊ အရည်သောက်လေးလည်းပါရင်
ပိုပြီး ထမင်းမြိန်စေမှာပဲဆိုပြီး စဉ်းစားလိုက်တော့ ပုတက်စာပေါတဲ့
ရာသီမှာ ဗူးသီးလေးနဲ့ ဟင်းခါးလေးချက်လိုက်ရင့် ဘိုးဘိုးကြီးရော
ဘွားဘွားကြီးအပါအ၀င် အကိုတွေမောင်တွေ ညီမတွေရော တူ၊ တူမလေးတွေအတွက်ပါ
အဆင်ပြေတာမို့ ဗူးသီးပုတတ်စာဟင်းခါးလေး တစ်ခွက် ချက်လိုက်ရပါတယ်။
ဗူးသီးပုတတ်စာဟင်းခါးချက်ဖို့အတွက် လိုအပ်တဲ့ပစ္စည်းတွေကတော့ ပုစွန်အစို/
ပုစွန်ခြောက်/ ငါး၊ ဗူးသီးနုနု၊ ပုတတ်စာ၊ ကြက်သွန်ဖြူ၊ ငရုတ်ကောင်း၊ ဆား၊
ငံပြာရည်၊ အချိုမှုန့်အနည်းငယ်တို့ပါနော်။


ကျွန်မကဒီတစ်ခေါက်ဟင်းခါးကို ငါးပနော်နဲ့ ချက်ပါမယ်။ ငါးပနော်
အကောင်ကြီးလေးတွေကို သန့်ရှင်းအောင် ရေဆေးပြီးတော့ အကြေးခွံ မထိုး၊
ဗိုက်မဖောက်၊ ခေါင်းမဖြုတ်ဘဲ ကင်ပါမယ်နော်။ ငါးပနော်လေးတွေကို သီတံလေးမှာ
ညီနေအောင် စီပြီးတော့ မီးသွေးမီးဖိုရဲ့ မီးအားခပ်လျော့လျော့အချိန်မှာ
မီးဖိုပေါ် အသားငါးကင်ရင် တင်တဲ့ သံဇကာလေးတင်ပြီးတော့ ငါးတွေကို
မီးကင်ပါတယ်။ မီးအားခပ်လျော့လျော့နဲ့ ကင်တာမို့ အကျက်ညီပြီး ငါးတွေ
တူးကုန်တာတွေ၊ အကျက်လွန်သွားတာတွေ မဖြစ်စေပါဘူး။ ငါးတွေ တစ်ဖက်ကျက်ရင်
နောက်တစ်ဖက်ကိုလည်း အသာအယာလှန်ပေးဖို့ မမေ့နဲ့ဦးနော်။ ငါးတွေအားလုံး
အကျက်ညီပြီဆိုရင်တော့ ငါးကို အအေးခံပြီးတော့မှ သီတံလေးကနေ ငါးတွေကို
တစ်ကောင်ချင်းဖြုတ်ယူပါ။ ငါးခေါင်းတွေကို ဖယ်ရှားပစ်ပါ။ ငါးကို
အကြေးမထိုးဘဲ ကင်ထားတဲ့အတွက် ငါးရဲ့ အသားထဲကို မတူးစေနိုင်သလို
ငါးအကြေးခွံ တွေနဲ့ကပ်လျက်ရှိတဲ့ ငါးအရေခွံကိုပါ တစ်ခါတည်း ခွာပြီးသား
ဖြစ်သွားပါလိမ့်မယ်။ အရေခွံခွာပြီးတဲ့ ငါးတွေကိုမှ အလယ်ရိုးနဲ့
အခြားအရိုးလေးတွေ မပါအောင် ဂရုတစိုက်နဲ့ အသားနွှင်ယူပါနော်။
အဲ့ဒါဆိုရင်တော့ ငါးကင်အသားလေးတွေကို နွှာယူပြီးပါပြီ။
ဗူးသီးကိုတော့ ထက်ခြမ်းခြမ်း၊ အခွံနွှာ၊ အစေ့လေးတွေ ဖယ်ထုတ်၊
ရေဆေးပြီးတော့မှ ကိုယ်လိုချင်တဲ့ အရွယ်အစားလေးတွေဖြစ်အောင်
ဖြတ်တောက်ပေးပါနော်။ ပုတတ်စာကိုလည်း ရင့်တဲ့အပိုင်းတွေ ဖယ်ရှားပစ်ပြီး
နုတာလေးတွေကို အရွယ်တော်လေးဖြစ်အောင် ဖဲ့၊ ရေဆေးပြီး ရေစစ်ပေးထားပါနော်။
ကြက်သွန်ဖြူကို အခွံနွှာပေးထားပါ။ ငရုတ်ဆုံထဲကို
လှော်ပြီးသားငရုတ်ကောင်းစေ့လေးတွေထည့်ထောင်းပါ။ ငရုတ်ကောင်းလေး တွေ
ညက်လောက်ပြီဆိုရင်တော့ ကြက်သွန်ဖြူတွေကို ထည့်ထောင်းပေးပါနော်။
အားလုံး အဆင်သင့်ဖြစ်ပြီဆိုရင်တော့ ဒန်အိုးတစ်လုံးထဲကို
ရေအသင့်အတင့်ထည့်၊ ငါးကင်၊ ဆား၊ ငံပြာရည်၊ အချိုမှုန့်အနည်းငယ်ထည့်ပြီး
ဟင်းချိုရည်အိုးပြင်ပါနော်။ ဟင်းရည်အိုးအသင့်ဖြစ်ရင်မီးဖိုပေါ်တည်ပေးပါ။
ဟင်းရည်အိုး ပွက်ပြီဆိုရင်တော့ ထောင်းထားတဲ့
ငရုတ်ကောင်းကြက်သွန်ဖြူကိုထည့်ပြီး ဟင်းရည်အိုး နည်းနည်းကျတဲ့အထိ
ပွက်ပွက်ဆူအောင်တည်ပေးပါနော်။ ပြီးရင် ဟင်းရည်အိုးထဲကို
ဗူးသီးအရင်ထည့်ခတ်ပြီး ဟင်းရည်အိုးအဖုံးပိတ်ပြီး ဆူအောင်တည်ပေးပါ။
ဟင်းအိုးဆူတော့မှ ပုတတ်စာကို ခပ်၊ အဖုံးအုပ်ပြီး
နောက်တစ်ကြိမ်ဆူအောင်တည်ပေးပါ။ ဟင်းအိုးဆူလာပြီရင်တော့ အပေါ့အငံမြည်းပြီး
လိုတဲ့အရသာ ထပ်ဖြည့်ပြီး ဟင်းအိုးချလိုက်ပါနော်။ အဲ့ဒါဆိုရင်တော့
အရည်သောက်ဟင်းတစ်မျိုးဖြစ်တဲ့ ဗူးသီးပုတက်စာဟင်းခါး
ချိုချိုမွှေးမွှေးပူပူလေး တစ်ခွက် ရပါပြီနော်။