ငါးရံ့ဆန်ပြုတ်

ကျွန်မ မောင်နှမတွေထဲက အအေးပိုင်းဒေသမှာနေတဲ့ နှမတော်လေးတစ်ယောက်က
ငါးဆန်ပြုတ်လေး ပြုတ်သောက်ချင်ပါတယ်၊ ဘယ်လိုလုပ်ရမလဲလို့ မေးထားတာ
နည်းနည်းကြာနေပါပြီ။ ကျွန်မဘလော့ဂ်လေးကို ပစ်ထားပြီး တခြားသော အလုပ်တွေ
နည်းနည်းများနေတာကြောင့် လစ်ဟင်းတာလေးတွေ ရှိခဲ့ပါတယ်။ ပြီးတော့
အင်တာနက်ကွန်နက်ရှင်ကလည်း တော်တော်လေးကို နှေးတာမို့ ဘလော့ဂ်တွေကို
အလည်မရောက် ဖြစ်ခဲ့တာများ ရှိခဲ့ရင်လည်း ကျွန်မကို နားလည်ပေးပါလို့
တောင်းပန်ပါရစေ။

ဒီနေ့မှာတော့ ငါးရံ့ ဆန်ပြုတ်ပြုတ်နည်းလေးကို ကျွန်မ ပြောပြပါရစေနော်။
ငါးရံ့ ဆန်ပြုတ်လုပ်ဖို့အတွက် လိုအပ်တဲ့ ပစ္စည်းတွေကတော့ ငါးရံ့၊ ဆန်၊
သကြား၊ ချင်း၊ ကြက်သွန်ဖြူ၊ တရုတ်နံနံ (သို့မဟုတ်) ကြက်သွန်မြိတ်၊
ကြက်သွန်အနီကြော်၊ ပဲငံပြာရည်အကျဲ၊ ငရုတ်ကောင်းမှုန့်၊ ဆီအနည်းငယ်နဲ့
ဆားတို့ပါနော်။

ငါးရံ့အကောင်လိုက်ကို အကြေးခွံခွာ၊ ဗိုက်ခွဲပြီး အထဲက
ကလီစာတွေထုပ်ပစ်ပြီး သန့်စင်အောင် ရေဆေးပေးပါ။ ပြီးတော့မှ
ငါးရံ့ခေါင်းကို ဖြတ်ပစ်ပြီး ငါးရံ့ရဲ့ ဘေးနှစ်ဖက်က ဆူးတောင်တွေနဲ့
အရိုးလွှာကို နွှာပစ်ပါ။ ငါးအလယ်ရိုးကို ချန်ပြီး ငါးနှစ်ဖက်က အသားတွေကို
လွှာယူပါ။ ရလာပြီးတဲ့ ငါးအသားအလွှာကိုမှ အလယ်ကနေ ထက်ခြမ်းခြမ်းလှီးယူပြီး
လက်တစ်ဆစ်အရှည်လောက်တွေဖြစ်အောင် လှီးပေးပါ။ ငါးအသားတွေကို ဆား၊ သကြားနဲ့
ပဲငံပြာရည်အကျဲတို့နဲ့ နှံ့အောင် နယ်ပေးထားပါ။ ငါးခေါင်းနဲ့
ငါးအလယ်ရိုးကိုတော့ အလကားမဖြစ်ရလေအောင် ချဉ်ရည်ဟင်း၊ ဒါမှမဟုတ်
ငရုတ်ကောင်းဟင်းခါးလေး ချက်သောက်ပါနော်။ ချင်းနဲ့ ကြက်သွန်ဖြူကို
အခွံနွှာ၊ ရေဆေးပြီး ချင်းကို ပါးပါးနုတ်နုတ်လေးတွေဖြစ်အောင်
လှီးပေးထားပြီး ကြက်သွန်ဖြူကိုတော့ ဓားပြားရိုက်ပေးထားပါ။
ဆန်လက်တစ်ဆုပ်သာသာလောက်ကို ရေစင်အောင်ဆေးပေးပြီး ရေစစ်ပေးထားပါနော်။
တရုတ်နံနံ ဒါမှမဟုတ် ကြက်သွန်မြိတ်ကိုလည်း အမြစ်တွေဖယ်ပစ်ပြီး ရေဆေး၊
ရေစစ်ပေးပြီး ပါးပါးလှီးပေးထားပါ။

အားလုံးအသင့်ဖြစ်ပြီဆိုရင်တော့ အိုးတစ်လုံးထဲကို ရေဆေးထားတဲ့ ဆန်ထည့်ပါ။
ပြီးရင် ဆားအနည်းငယ်၊ ပါးပါးလှီးထားတဲ့ ချင်း၊ ဓားပြားရိုက်ထားတဲ့
ကြက်သွန်ဖြူ၊ နယ်ထားတဲ့ ငါး၊ သကြားအနည်းငယ်နဲ့ ဆီလက်ဘက်ရည်ဇွန်း
တစ်ဝက်လောက် ထည့်ပြီး မီးဖိုပေါ်တင်ပါ။ အိုးထဲမှာရှိတဲ့ ဆန်နဲ့ အခြားသော
ပါဝင်ပစ္စည်းအားလုံး နှံ့အောင် မီးအသင့်အတင့်နဲ့ လှော်ပေးပါ။
အနံ့လေးတော်တော်လေးသင်းလာပြီး ဆန်အရောင်လေးလည်း နီရောင်သန်းစ
ပြုလာပြီဆိုတာနဲ့ ဆန်အပေါ် ရေလက်တစ်ဆစ်ထည့်၊ အဖုံးအုပ်ပြီး
မီးအသင့်အတင့်နဲ့ ဆန်ပြုတ်အိုးကို တည်ပေးပါ။ ဆန်ပြုတ်အိုးတည်တဲ့အခါမှာ
ပွက်ခါနီးအချိန်ကျရင် ထမင်းရည်တွေ ဝေမကျသွားစေအောင် သတိပြုပြီး
တည်ပေးပါနော်။ ဆန်ပြုတ်အိုးဆူတဲ့အခါကျရင် အဖုံးကို တ၀က်ဟထားပေးပြီး
ထမင်းရည်နဲ့ ဆန် ပျစ်အောင်တည်ပေးပါနော်။ ထမင်းရည်ခမ်းလုနီးလို့
ဆန်လုံးကွဲပြီး ပျစ်ပျစ်လေးဖြစ်လာပြီဆိုရင်တော့ နောက်ထပ် ရေထပ်ထည့်၊
အိုးအဖုံးပိတ်ပြီး ဆန်ပြုတ်အိုးဆူတဲ့အထိ မီးလျော့ပြီး တည်ပေးပါနော်။
ဒီတစ်ခါ ဆန်ပြုတ်အိုးဆူလာပြီဆိုရင်တော့ အပေါ့အငံအရသာကိုမြည်းပြီး လိုတဲ့
အရသာကို ထပ်ဖြည့်ပေးပါနော်။ ပြီးတော့မှ ဆန်ပြုတ်အိုးကိုချ၊ ကိုယ်စားမယ့်
ပန်းကန်ထဲ ဆန်ပြုတ်ထည့်၊ ငရုတ်ကောင်းမှုန့်ထည့်၊ပါးပါးလှီးထားတဲ့
ကြက်သွန်မြိတ်ဒါမှမဟုတ် တရုတ်နံနံကိုထည့်၊ ကြက်သွန်နီကြော်ကို ထည့်ပြီး
သုံးဆောင်နိုင်ပါပြီနော်။ အဲ့ဒါဆိုရင်တော့ ငါးအရသာ ချိုချိုလေးနဲ့
ငါးဆန်ပြုတ်မွှေးမွှေးလေးရပါပြီနော်။ ရာသီဥတုအေးအေးလေးမှာ ငါးဆန်ပြုတ်
ပူပူနွေးနွေးမွှေးမွှေးလေးလွေးပြီး ကွေးလိုက်ရရင်ဖြင့့့့် 