Monday, April 21, 2008

ပိန္နဲသီးကြက်ရိုးဟင်း

Reactions: 

အခုလိုနွေရာသီမှာ ပိန္နဲပင်မှာ အသီးတွေ တန်းစီလို့ သီးနေလိုက်ကြတာ အစီအရီ
့့  ပိန္နဲသီးမှည့်သွားရင် အိမ်မာအသီးက စားရတာ အရသာရှိလွန်းလို့ ရပ်လို့
မရနိုင်ဖြစ်ရပေမယ့် အိမ်ပျော့အသီးအမှည့်ဆို စားရခက်ပါတယ်။ ဒါကြောင့်မို့
ပိန္နဲသီးအိမ်ပျော့ကို သီးကင်းအရွယ်မှာ ပိန္နဲကွင်းအဖြစ် အစိမ်းအကွင်းလိုက်
လှီးပြီး တို့တတ်ကြသလို ပိန္နဲသီးအလုံးလိုက်ကို အဖန်ရည်တွေ ထွက်အောင်
ပြုတ်ပစ်ပြီးတော့မှ အပြင်က အခွံလွှာကို လှီးထုတ်ပြီး အထဲက အသားတွေကို
ဟင်းချက်စားတတ်ကြပါသေးတယ်နော်။ ပိန္နဲသီးကို တာလပေါဟင်း၊ ရခိုင်ဟင်း၊
မွန်ဟင်း စသဖြင့် အမျိုးမျိုး ချက်စားတတ်ကြတဲ့အထဲက အခု ပိန္နဲသီးကို
ကြက်ရိုးနဲ့ ဆီကျန်ရေကျန် ချက်လေး ချက်ကျွေးပါရစေနော်။
ပိန္နဲသီးကြက်ရိုးးဟင်းချက်ဖို့အတွက် လိုအပ်တဲ့ပစ္စည်းတွေကတော့ ပိန္နဲသီး၊
ခရမ်းချဉ်သီး၊ ကြက်သား၊ ကြက်သွန်ဖြူ၊ ကြက်သွန်နီ၊ ချင်း၊
ငရုတ်သီးအရောင်မှုန့်၊ နနွင်းမှုန့်၊ ငံပြာရည်၊ ဆား၊ သကြား၊
အချိုမှုန့်တို့ပါနော်။
ပိန္နဲသီးအလုံးလိုက်က အညှာချွေပြီး အစေးတွေ ထွက်နိုင်သလောက် ထွက်အောင်
အသီးကို ဇောက်ထိုး ထားထားပေးပါ။ ပြီးတော့မှ အိုးတစ်လုံးထဲ ရေထည့်၊
ပိန္နဲသီးထည့်ပြီး အဖန်ရေတွေထွက်အောင် ပွက်ပွက်ဆူအောင် ပြုတ်ပေးပါ။
ပြီးတော့မှ ပိန္နဲသီးကို ဆယ်ယူပြီး အအေးခံထားပါနော်။
အအေးခံထားတဲ့အချိန်မှာ ကြက်သားကို ကိုင်ပါမယ်နော်။ ကြက်တစ်ကောင်လုံးကို
အမွှေးအမျှင်တွေ စင်အောင် နှုတ်၊ သန့်စင်အောင် ရေဆေး၊ ထက်ခြမ်းခွဲပြီး
ဗိုက်ထဲက အသည်းအမြစ်နဲ့ အူတွေကို ထုတ်ယူ၊ အဆုတ်တွေခွါပစ်၊ အတောင်ပံ၊
ခြေထောက်၊ ခေါင်း၊ လည်ပင်းရိုး၊ ခြေသလုံးရိုး၊ ကျောရိုး စတာတွေကို
သပ်သပ်ခုတ်ယူပြီး အသားတွေကိုတော့ ပြုတ်ကြော်လေး လုပ်ရအောင်
ဖယ်ထားပေးပါနော်။ ကိုင်ပြီးသား ကြက် အရိုးအသားတွေကို သီးသန့်စီ
ပန်းကန်ထဲထည့်ပြီးတော့ ဆား၊ သကြား၊ အချိုမှုန့်၊ ငံပြာရည်လေးနဲ့ အရသာ
ခပ်ပြင်းပြင်းလေးရအောင် နယ်ပေးထားပါနော်။

အအေးခံထားတဲ့ ပိန္နဲသီးကို မကိုင်ခင် ဓားမှာ ဆီသုတ်ပြီးတော့မှ ပိန္နဲခွံကို
နွှာပစ်ပါ။ အစေးတွေ ဓားမှာ တိုက်ရိုက်ကပ်နေတာ မရှိရအောင် ဆီသုတ်တာပါနော်။
တစ်ရေပဲ ပြုတ်ထားတဲ့ ပိန္နဲသီးဟာ မပျော့မမာလေးနဲ့မို့ လှီးရတာ
အဆင်ပြေစေပါတယ်နော်။ ပိန္နဲခွံတွေ နွှာပြီးပြီဆိုရင် ပိန္နဲသီးတွေကို
လက်တစ်လုံး အထူလောက် အ၀ိုင်းလိုက် လှီးချပေးပါ။ ပြီးတော့မှ
အနေတော်အရွယ်လေးတွေဖြစ်အောင် လှီးဖြတ်ပေးပါနော်။
ခရမ်းချဉ်သီးကိုလည်း ရေဆေး၊ ထက်ခြမ်းခြမ်းပြီး ခပ်ပါးပါးလေးတွေဖြစ်အောင်
လှီးပေးထားပါ။ ကြက်သွန်ဖြူ၊ နီနဲ့ ချင်းတို့ကိုလည်း အခွံနွှာရေဆေးထားပါ။
ငရုတ်သီးအရောင်မှုန့်အနည်းကို ယူ၊ ရေလေးနည်းနည်းနဲ့ ရောစပ်ပြီး ငရုတ်ဆုံထဲ
ထည့်ပါ။ ပြီးရင် ချင်း၊ ကြက်သွန်ဖြူ၊ ကြက်သွန်နီတို့ကို တစ်ခုပြီးတစ်ခု
ထည့်ထောင်းပေးပါ။
အားလုံး အသင့်ဖြစ်ပြီဆိုရင်တော့ မီးဖိုပေါ် ဒယ်အိုးတင်၊
ဆီလေးနည်းနည်းထည့်၊ ဆီပူလာရင် နနွင်းမှုန့်လေးခပ်၊ ထောင်းထားတဲ့
ငရုတ်သီးကြက်သွန်တွေဆီထည့်သတ်၊ ဆီသတ်နံ့မွှေးလာပြီဆိုရင်တော့ လှီးထားတဲ့
ခရမ်းချဉ်သီးကိုထည့်ပြီး ခရမ်းချဉ်သီးကြေတဲ့အထိ မွှေပြီး ဆီသတ်ပေးပါနော်။
ခရမ်းချဉ်သီးကြေပြီဆိုရင်တော့ နယ်ထားတဲ့ ကြက်ရိုးတွေကိုထည့်မွှေပြီး
လုံးပေးပါနော်။ ကြက်သားထဲကအရေတွေခမ်းအောင် အဖုံးအုပ်ပြီး တည်ပေးပါနော်။
လုံးရည်ခမ်းပြီဆိုရင်တော့ လှီးထားတဲ့ ပိန္နဲသီးတွေပါ အတူရောထည့်ပြီး
သမအောင် မွှေ၊ ပြီးတော့ အသားမြုပ်တဲ့အထိ ရေထည့်ပြီး မီးအသင့်အတင့်နဲ့
တည်ပေးပါ။ ကြက်သားရော ပိန္နဲသီးရော အနူးညီအောင် တည်ပြီးရင်တော့
အရသာအပေါ့အငံမြည်းပြီး ဆီကျန်ရေကျန်လေးနဲ့ ဟင်းအိုးချပေးပါနော်။
အဲ့ဒါဆိုရင်တော့ နယ်ဖတ်စားလိုရတဲ့ ပိန္နဲသီးကြက်ရိုးဟင်းလေး ရပါပြီနော်။

1 comment:

  1. Thanks ma lu .....i will try....
    hopefully i will like so mush ....:-)

    ReplyDelete