Wednesday, March 19, 2008

ငါးမြွေထိုးအချဉ်ရည်ဟင်း

Reactions: 



ဒီတစ်ခါတော့ လူတိုင်းမစားတဲ့ ငါးတစ်မျိုးဖြစ်တဲ့ ငါးမြွေထိုးကို မရမ်းသီးးနဲ့
အချဉ်ရည်ဟင်း ချက်ကျွေးပါရစေနော်။ ငါးမြွေထိုးကို အင်္ဂလိပ်လို Mastacembelus
armatus လို့ ခေါ်ပါတယ်။ ငါးမြွေထိုးက အကြေးခွံမပါတဲ့ ငါးမျိုးပါ။ အရိုးလည်း
အလယ်ရိုးတစ်ရိုးသာရှိပြီး အသားကလည်း ခပ်မာမာလေးနဲ့မို့ စားလို့ကောင်းပါတယ်။
ငါးမြွေထိုးကို ဟင်းချက်စားကြသလို ငါးခြောက်လုပ်လို့တစ်မျိုး၊
ကြပ်တင်လုပ်လို့တစ်ဖုံ အမျိုးမျိုး ချက်ပြုတ်စားသောက်ကြ ပါတယ်။

ငါးမြွေထိုးချဉ်ရည်ဟင်းချက်ဖို့ လိုအပ်တဲ့ပစ္စည်းတွေကတော့ ငါးမြွေထိုး၊
မရမ်းသီး၊ ကြက်သွန်ဖြူ၊ ကြက်သွန်နီ၊ ငရုတ်သီးပုအခြောက်တောင့်၊ ချင်း၊ ဆား၊
နနွင်း၊ အချိုမှုန့်၊ ငါးပိစိမ်းစား၊ ငံပြာရည်အနည်းငယ်နဲ့
ရှမ်းနံနံအနည်းငယ်တို့ပါနော်။

ငါးမြွေထိုးက အကြေးခွံမရှိပေမယ့် အရမ်းချွဲတဲ့အတွက် အချဉ်သီးတစ်မျိုးမျိုး
ဒါမှမဟုတ် ဆားနဲ့ သေသေချာချာ နယ်ဆေးပေးပါ။ ပြီးရင် ငါးခေါင်းကို
ဖြတ်ထုပ်ပေးပြီး ဗိုက်ထဲက ကလီစာတွေကိုလည်း ဖယ်ရှင်းပစ်ပြီး ရေနဲ့
သန့်စင်အောင်ဆေးပေးပါ။ ပြီးတော့မှ ငါးကို နှစ်ပိုင်းပိုင်းပြီး ဆား၊
အချိုမှုန့်၊ ငံပြာရည်နဲ့ နယ်ပေးပါနော်။ ငရုတ်သီးခြောက်အပုတောင့်ကို အညှာခြွေ၊
အစေ့ထုတ်ပြီး ငရုတ်သီးကို ရေနွေးနဲ့ စိမ်ဆေးပေးပြီး ငရုတ်သီးဖတ်တွေကို
ရေစစ်ပေးထားပါ။ ကြက်သွန်ဖြူနီနဲ့ ချင်းကို အခွံနွှာ၊ ရေဆေးပြီး ချင်းကို
ပါးပါးလှီး၊ ကြက်သွန်နီကို လေးစိတ်ထိုးပေးပါ။ ငရုတ်ဆုံထဲမှာ ရေစစ်ထားတဲ့
ငရုတ်သီးကို ထည့်ပြီးထောင်းပါ။ ငရုတ်သီးဖတ် မျက်လုံးထဲ မစင်ရအောင်လည်း
သတိထားပြီးထောင်းပါ။ ငရုတ်သီးညက်ပြီဆိုရင် ချင်းထည့်ထောင်း၊ ပြီးရင်တော့
ကြက်သွန်ဖြူထည့်ထောင်း၊ ပြီးတော့ ကြက်သွန်နီကိုပါ ထည့်ထောင်းပေးပါ။
ရှမ်းနံနံကိုလည်း အမြစ်တွေဖယ်ရှားပစ်ပြီး လက်တစ်ဆစ်အရွယ်လောက်လေးတွေဖြစ်အောင်
ဖြတ်ထားပေးပါ။ မရမ်းသီးက အခုအချိန်မှာ မှည့်လုနီးပါးဖြစ်နေပြီမို့ ရေဆေး
ထက်ခြမ်းခွဲပြီး အစေ့ထုတ်ပစ်ပြီး လက်နဲ့ အသားတွေကို ဖျစ်ထားပေးပါ။

အားလုံးအသင့်ဖြစ်ပြီဆိုရင်တော့ မီးဖိုပေါ် ဒယ်အိုးတင်၊ ဆီထည့်၊
ဆီပူလာပြီဆိုရင်တော့ နနွင်းမှုန့်လေးခပ်၊ ထောင်းထားတဲ့
ငရုတ်သီးကြက်သွန်တွေထည့်ပြီး ဆီသတ်ပါ။ ကြက်သွန်တွေ စိမ်းနံ့ပျောက်လာပြီဆိုရင်
ငါးပိစိမ်းစားလေး ကွမ်းသီးလုံးလောက်ထည့်ပြီး ဆီသတ်ပါ။ ပြီးရင် နယ်ထားတဲ့
ငါးတွေကိုပါ ထည့်ပြီး ဆီသတ်ပေးပါ။ ငါးဆီသတ်ပြီးတဲ့အခါ
ငါးမြုပ်ရုံရေလေးနည်းနည်းထပ်ထည့်ပြီး အဖုံးအုပ်ပြီးတည်ပေးပါ။
ဟင်းအိုးပွက်လာတဲ့အခါ မရမ်းသီးတွေထည့်၊ ရေထည့်ပြီး ဟင်းအိုးကို အဖုံးအုပ်ပြီး
မီးအသင့်အတင့်နဲ့ တည်ပေးပါ။ ဟင်းအိုးပွက်ပွက်ဆူလာပြီဆိုတာနဲ့
အပေါ့အငံအရသာမြည်းပြီး ရှမ်းနံနံလေးအုပ်လိုက်ပါနော်။ အဲ့ဒါဆိုရင်တော့
ရှမ်းနံနံနံ့သင်းသင်းလေးနဲ့ ငါးမြွေထိုးချဉ်စပ်ဟင်းလေးတစ်ခွက်ရပါပြီနော်။
အားပေးကြပါဦးနော်။

0 comments:

Post a Comment