ပူတင်းကော်ဖီကျောက်ကျော

ဒီနေ့တော့ ကျွန်မမောင်နှမတွေကို ပူတင်းကော်ဖီကျောက်ကျောလုပ်နည်းလေးကို မျှဝေပါရစေရှင်။ ဒီကျောက်ကျောကိုတော့ ၂၀၀၈ ခုနှစ်၊ မတ်လ ၂ ရက်၊ တောင်သူလယ်သမားနေ့မှာ ကန်တော်ကြီး၊ မျှော်စင်ကျွန်းမှာ ကျင်းပခဲ့တဲ့ လူရိုင်းခေါင်းတံဆိပ် Agar Agar ကျောက်ကျောရဲ့ တောင်သူလယ်သမားနေ့ဂုဏ်ပြု ကျောက်ကျောထိုးပြိုင်ပွဲမှာ ၀င်ရောက်ဆင်နွှဲစဉ်က လုပ်ခဲ့တာပါနော်။

လိုအပ်တဲ့ပစ္စည်းတွေကတော့ ၂၅ ဂရမ်ပါ Agar ကျောက်ကျော ၂.၅ ထုပ်၊ ကြက်ဥ ၇ လုံး၊ နို့စိမ်း တစ်ဗူး၊ သကြား ၅၀ ကျပ်သား၊ ကော်ဖီ လက်ဖက်ရည်ဇွန်း ၃ ဇွန်း၊ ဗန်ဒါဆံ၊ သီဟိုဠ်ဆံ၊ စပျစ်ခြောက်၊ နေကြာစေ့၊ အစိမ်းရောင်ဖယုံစေ့လှော်နဲ့ ဆားအနည်းငယ်တို့ပါ။

ကော်ဖီနှပ်ပေးထားပါ။ ဗန်ဒါဆန်နဲ့ သီဟိုဠ်ဆံကို ခပ်သေးသေးဖြစ်အောင် ကပ်ကျေးလေးတွေနဲ့ ညှပ်ပေးထားပါ။

အောက်ဆုံးအလွှာပြင်ဆင်နည်း


စစချင်းမှာ အောက်ဆုံးအလွှာဖြစ်တဲ့ ပူတင်းအလွှာကို ထိုးမှာမို့ ကြက်ဥကိုခွဲပြီး အကာကိုဖယ်ထုတ်ပြီး အနှစ်ချည်း သီးသန့်ရအောင် ယူပြီး အနှစ်တွေကို ဆားအနည်းငယ်ထည့်ပြီး ခေါက်ပေးပါနော်။ နို့စိမ်းဗူးကို ဖောက်ထားပေးပါ။ ရေသန့် တစ်လီတာပြင်ပေးထားတာ။ သကြား ၂၀ ကျပ်သားပြင်ပေးထားပါ။ အားလုံးအသင့်ဖြစ်ပြီဆိုရင် သကြားကို ရေသန့်နဲ့ ကျိုပြီးတော့ အမှိုက်သရိုက် ကင်းစင်အောင် ရေစစ်နဲ့ စစ်ပေးပါ။ ပြီးရင် ကျောက်ကျောမှုန့်တစ်ထုပ်၊ ကြက်ဥအနှစ်၊ နို့စိမ်းတို့ကိုထည့်ပြီး ကျောက်ကျောကျိုပါနော်။ ၁၀ မိနစ် လောက်ကြာရင်တော့ ကျောက်ကျောရည်ပျစ်လာပြီး ခဲဖို့အဆင်ပြေမယ့်အချိန်ရောက်ပြီမို့ ဗန်းသန့်သန့်ထဲမှာ အောက်ဆုံးတစ်လွှာ ခင်းပေးပါနော်။ ပြီးရင်တော့ စပျစ်ခြောက်တွေကို ပတ်ပတ်လည် ညီညီညာညာလေး ဖြစ်အောင် ဖြူးပေးပါနော်။

ဒုတိယအလွှာပြင်ဆင်နည်း

ကော်ဖီအလွှာအတွက် ပြင်ဆင်မှာမို့ ကျောက်ကျောမှုန့်တစ်ထုပ်၊ နှပ်ထားတဲ့ ကော်ဖီ လက်ဖက်ရည် ပန်းကန်လုံး တစ်လုံး၊ သကြား ၂၀ ကျပ်သား၊ ရေသန့် တစ်လီတာခွဲနဲ့ ဆားအနည်းငယ် တို့ကို ပြင်ထားပေးပါ။ သကြားထဲက အမှိုက်သရိုက်ကင်းစင်းအောင် ရေသန့်နဲ့ ကျိုပြီး ရေစစ်နဲ့ သကြားရေတွေကို စစ်ပေးထားပါ။ ပြီးရင် ကျောက်ကျောမှုန့်၊ ကော်ဖီ၊ သကြားရည်တို့ကို ပေါင်းပြီး ကျိုပေးပါ။ ညောင်စေးကျသလိုဖြစ်လာပြီဆိုရင်တော့ စပျစ်ခြောက်တွေရဲ့ အပေါ်ကနေ နောက်တစ်ထပ်လောင်းပေးပါနော်။ ဒုတိယအလွှာလောင်းပြီး ၅ မိနစ်လောက် အကြာမှာတော့ ဗန်ဒါဆံနဲ့ သီဟိုဠ်ဆံကို ကျောက်ကျောမျက်နှာပြင်အနှံ့ ညီညီညာညာ ဖြူးပေးပါ။

တတိယအလွှာပြင်ဆင်နည်း

တတိယအလွှာအတွက် ကျောက်ကျောမှုန့် တစ်ဝက်၊ သကြား ၁၀ သား၊ ရေသန့် ၀.၇၅ လီတာတို့ကို ထည့်ပြီး ၁၀ မိနစ်ခန့် ကျိုပေးပြီး ကျောက်ကျောဗန်းထဲ တတိယအလွှာဖြစ်အောင် လောင်းထည့်ပေးပါ။ အဲ့ဒါဆိုရင် သီဟိုဠ်ဆံနဲ့ ဗန်ဒါဆံကို လောင်းပြီးသားဖြစ်သွားပါလိမ့်မယ်။

ဒီပွဲဟာ တောင်သူလယ်သမားနေ့ကို ဂုဏ်ပြုတဲ့ ပွဲဖြစ်တာမို့ ကျွန်မတို့အဖွဲ့က အပေါ်ဆုံးအလွှာမှာ ဒီဇိုင်းဆင်ဖို့အတွက် ဦးကြီးများကို ကိုယ်စားပြုတဲ့ စပါးနှံပုံစံလေးကို ဖော်ဖို့ စိတ်ကူးရတာမို့ အပေါ်မှာ စပါးနှံပုံဖော်ဖို့အတွက် နေကြာစေ့ကို အသုံးပြုပြီး စပါးရွက်အတွက် အစိမ်းရောင် ဖယုံစေ့ကို အသုံးပြုခဲ့ပါတယ်။



အဲ့ဒါဆိုရင်တော့ ပူတင်းကော်ဖီ အဆံစုံ စီထားတဲ့ ကျောက်ကျောလေးရပါပြီနော်။ အုန်းနို့မပါတဲ့အတွက် သွေးတိုးသမားတွေ စိတ်မပူရသလို အချိုလျော့ထားတဲ့အတွက် ဆီးချိုဖြစ်မှာလည်း မစိုးရိမ်ရတော့ပါဘူး။ အာဟာရဓာတ်ပြည့်တဲ့ အစေ့တွေ၊ အခွံမာအသီးတွေရဲ့အဆံတွေကို အသုံးပြုထားတဲ့အတွက် လိုအပ်တဲ့ အာဟာရဓာတ် တွေလည်း အပြည့်ပါနေပြီမို့ ကျန်းမာရေးနဲ့လည်း သင့်တော်မယ်လို့ ယူဆပြီး ဒီကျောက်ကျောလေးကို အသွင်တစ်မျိုးနဲ့ ဖန်တီးလိုက်တာပါ။ ချစ်မောင်နှမများလည်း အဆင်ပြေမယ်ဆိုရင် ပူတင်းကော်ဖီ ကျောက်ကျောလေးကို လုပ်စားကြည့်ကြပါဦးနော်။


Credit: ဒီကျောက်ကျောလုပ်ဖို့ အိုင်ဒီယာပေးတဲ့ ကျွန်မရဲ့ ၀ိုင်းတော်သားထဲက ကိုတုတ်ကြီးနဲ့ ကိုယွန်းမင်းငယ်ကိုလည်း အထူးကျေးဇူးတင်ပါတယ်။ ပြီးတော့ ကျွန်မ ကျောက်ကျောထိုးပြိုင်ပွဲဝင်ဖို့ ကိစ္စကို ပြောတဲ့အခါမှာ အားပေးခဲ့တဲ့ နှမတော် အမွန်ကိုလည်း ကျေးဇူးတင်ပါတယ်။