Friday, August 17, 2007

ငါးဆော်ဆီ

Reactions: 

ငါးဆော်ဆီတဲ့ ဘယ်လိုပါလိမ့်။ ဆက်ဆီလဲ မဟုတ်ပါဘူး။ တစ်မျိုးပါလား။ ဘယ်လိုကြီးတုန်းဟ ... တလွဲမတွေးပါနဲ့လေ။ ငါးကြော်ကို ပြန်ပြီးတော့မှ
ငရုတ်သီးနဲ့ မန်ကျည်းနှစ်လေးနဲ့ ပြန်နှပ်တာကို

ငါးဆော်ဆီလို့ ကျွန်မတို့ မော်လမြိုင်ဘက်က
ခေါ်လေ့ရှိကြတယ်လေ။ ငါးကြော်နှပ်လို့လဲ ခေါ်ပါတယ်။
တချို့က မန်ကျည်းနှစ် ထည့်လေ့မရှိပါဘူး။ မြန်မာပြည်မှာတော့ ငါးပုဏ်ဏားကို
အဲ့ဒီလို ဆော်ဆီချက်ရင် သိပ်ကြိုက်တာ။ နိုင်ငံရပ်ခြားမှာ အကြောင်းကြောင်းနဲ့
ရောက်နေတဲ့ မောင်နှမတွေအတွက်တော့ ကိုယ်နှစ်သက်တဲ့ ငါးတစ်မျိုးမျိုးကိုဝယ်၊ သေချာသန့်စင်အောင် ဆေးကြောပြီးတော့မှ ဆား၊ သကြားအနည်းငယ်၊ အချိုမှုန့်အနည်းငယ်၊ ငံပြာရည်၊ နနွင်းတို့နဲ့ သေချာအောင်နယ်ပြီးနှပ်ထားလိုက်။ ပြီးတော့မှ ကြက်သွန်ဖြူနီကို အခွံနွှာ၊ပါးပါးသေးသေးလေးတွေဖြစ်အောင်လှီးထားလိုက်။ မန်ကျည်းသီးလေးကို ရေနွေးစိမ်ထားလိုက်ဦးနော်။ အားလုံးအဆင်သင့်ဖြစ်ပြီဆိုရင်တော့ မီးဖိုပေါ်ကို ဒယ်အိုးလေးတင်၊ ဆီထည့်ပါ။ ဆီဆူလာလျှင် နနွင်းမှုန့်အနည်းငယ်ထည့်လိုက်ပါ။
ပြီးလျှင် ငါးကြော်ပါ။ ငါးကြော်တဲ့အချိန်မှာ သတိထားရမှာက တစ်ဖက်က မကျက်သေးခင်မှာ မလှန်မိဖို့ပါပဲ။ နောက်မဟုတ်ရင် ငါးက ဒယ်အိုးမှာ ကပ်နေပြီး အသားတွေ ပဲ့ကုန်ပြီး
မလှမပ ငါးကြော်ဘ၀ ရောက်သွားတတ်တာမို့ပါ။ ငါးကြော်ပြီးရင် ပန်းကန်ပြားတစ်ခုထဲ ပြောင်းထည့်ထားလိုက်ပါနော်။ ပြီးတော့မှ ငါးကြော်က ကျန်တဲ့ဆီနဲ့ ကြက်သွန်ဖြူနီဆီသတ်ပါမယ်။ ငရုတ်သီးအရောင်မှုန့်ရော အစပ်မှုန့်ရောထည့်ပါမယ်။
ပြီးရင် ဆား၊ အချိုမှုန့်၊ ငံပြာရည်ထည့်၊ မန်ကျည်းနှစ်လေးထည့်ပြီး ပွက်လာတဲ့အထိ မီးနွေးနွေးနဲ့တည်ထားပါ။ ပွက်လာပြီဆိုရင် ငါးကြော်တွေကို ဒယ်အိုးထဲ တန်းစီပြီးထည့်။ ပြီးရင် ဟိုဘက်ဒီဘက်လှန်ပေး။ မီးအနည်းဆုံးနဲ့ ငါးထဲကို ချဉ်ငံစပ်အရသာအားလုံးဝင်အောင်
၇ မိနစ်လောက် တည်ထားပါ။ ငါးဆော်ဆီရပါပြီ။

0 comments:

Post a Comment