Thursday, August 9, 2007

ထိုင်းပုဇွန်ကြာဇံသုပ်

Reactions: 

ဂျပန်ဆိုပေမယ့် အခုလိုအချိန်မှာ ရာသီဥတုက ပူအိုက်လွန်းလှပါတယ်။ ဌာနမှာ တစ်လတစ်ခါ အမြဲတမ်းလိုလို ပါတီလုပ်လေ့ရှိပါတယ်။ မြန်မာဟင်းမျိုးစုံ၊ မုန့်မျိုးစုံကိုလဲ ချက်ကျွေးဖူးပါတယ်။ အခုလို ရာသီဥတု ပူပူမှာ ဘယ်လိုအစားအသာက်များချက်ကျွေးရမလဲဆိုပြီး ကျွန်မ စဉ်းစားမိပါတယ်။

မြန်မာဟင်းတွေက အရသာရှိသလောက် ချက်ရတာ လက်ဝင်လှပါတယ်။ ပြီးတော့ ဆီများတယ်၊ အနံ့ပြင်းတယ်ဆိုတော့ ဂျပန်တွေအကြိုက်ဖြစ်အောင်အရသာကို အမြဲတမ်း ပေါ့ပေါ့ချက်ပေးရပါတယ်။ ဆီလဲ များလို့မရပါဘူး။ ဒီလိုနဲ့ပဲ တစ်နေ့ကုန်စဉ်းစားလိုက်တာ ခေါင်းထဲမှာ ဟင်းမျိုးစုံ တန်းစီချက်နေပါတော့တယ်။

နောက်ဆုံးရွေးလိုက်တဲ့ အမယ်လေးကတော့ ထိုင်းပုဇွန်ကြာဇံသုပ်ပါ။

လိုအပ်တဲ့ ပစ်စည်းတွေကတော့

(၁) ပုဇွန်အကောင်လတ် ၃၅ ကောင် (စားမယ့်လူဦးရေကိုတွက်ပြီးထည့်ပါ)

(၂) ကြာဇံ ၁၅ ဂရမ်

(၃) မြေပဲဆံ

(၄) သီဟိုဠ်ဆံ

(၅) ငရုတ်သီးခြောက်

(၆) တရုတ်နံနံ(ပါးပါးလှီးထားနော်)

(၇) ဆတ်လတ်ရွက်

(ဂ) ကြက်သွန်နီအနည်းငယ် (ပါးပါးလှီးနော်)

(၉) ကြက်သွန်မြိတ်(ပါးပါးလှီးထားနော်)

(၁၀) ငရုတ်သီးစိမ်း (၇-၁၀) တောင့်(ပါးပါးလှီးပါ)

(၁၁) ငံပြာရည်

(၁၂) ပူစီနံ(အညွန့်လေးပဲနော်)

(၁၃) သံပုရာသီး(အထဲက သံပုရာစေ့နဲ့ ခါးတတ်တဲ့အဖတ်တွေမပါအောင်အရည်ညှစ်ထားနော်)

(၁၄) ခရမ်းချဉ်သီး (အရွယ်တော်လေးတွေလှီးထားနော်)

ချက်နည်းကိုပြောတော့မယ်နော်

ပထမစစချင်း ပုစွန်ကို ရေဆေးအခွံနွှာပါ။ အမြီးလေးချန်ထားနော်။ ကြာဇံကို ရေ ၁၀ မိနစ်လောက် စိမ်ထားလိုက်နော်။ ပြီးတော့မှ ၃ လက်မအရှည်လောက်တွေ ညှပ်လိုက်ပြီး ရေစစ်ထားလိုက်ပါ။

မြေပဲဆံကို ဒယ်အိုးထဲထည့်ပြီး မီးနွေးနွေးနဲ့ လှော်ပါ။ မြေပဲဆံလှော်လေးမွှေးလာပြီဆို ပန်းကန်တစ်ခုထဲ ပြောင်းထည့်လိုက်နော်။ ပြီးရင် သီဟိုဠ်ဆံလေး တဆက်တည်းလှော်လိုက်ပါဦးနော်။ သူ့ကိုလဲ မြေပဲဆံလိုပဲ မွှေးလာပြီဆိုရင် ပန်းကန်ပြောင်းလိုက်နော်။ နောက်ပြီးရင် ငရုတ်သီးခြောက်ကို လှော်ပါ။ သတိထားနော့့်  မီးမပြင်းစေနဲ့နော့့့်  မီးပြင်းလို့ကတော့ တရုတ်နှစ်ကူး ယမ်းဖေါက်သလို ဖေါင်းဖေါင်းနဲ့အသံထွက်လာတဲ့အပြင် အထဲက ငရုတ်သီးအစေ့လေးတွေ မျက်နှာကို လာစင်မှာစိုးလို့နော့့့်  ငရုတ်သီးခြောက်လှော်တဲ့အချိန်မှာ ရှောင်လင်သိုင်းကွက်လေးနဲ့ လှော်နော့့့် သူလဲ အကျက်ညီသွားပြီဆိုရင် သူ့ကိုလဲ ပန်းကန်လုံးလေးထဲ သပ်သပ် ထည့်ထားလိုက်နော်။

နောက်တစ်ဆင့်ကတော့ ခုနက သန့်စင်ပြီးသား ပုဇွန်လေးကို ဆားရယ်သကြားလေးရယ်ထည့်ပြီး ရေလေးနည်းနည်းလေးထည့်ပြီး ရေစပ်ကျဲလေး ပြုတ်ပေးပေါ့။ သိပ်အကြာကြီးတည်စရာမလိုဘူးလေနော်။ ပုဇွန်အကွေး ငါးအနွေးတဲ့ သိတဲ့အတိုင်းပဲ။ ပုဇွန်လေးတွေ နီတာရဲလေးတွေဖြစ်ပြီး ကွေးလာပြီဆိုတာနဲ့ ပုဇွန်တွေကို ပန်းကန်လေးထဲ ပြောင်းထည့်လိုက်ပါဦးနော်။ ပြီးတာနဲ့ ရေလေးထပ်ထည့်ပြီး ကြာဇံကိုထည့်လိုက်ပါ။ ကြာဇံကလဲ အနူးမြန်ပါတယ့့့်  ၃ မိနစ်လောက်ဆို ရပြီ။

ကဲ့့့  ခုဆို ဇာတ်လမ်းစတော့မယ်နော့့့်  ပုဇွန်ထည့်ထားတဲ့ ပန်းကန်ထဲကို ကျက်သွားတဲ့ ကြာဇံလေးတွေထည့်၊ ပြီးရင် ခုနက ပါးပါးလှီးထားတဲ့ တရုတ်နံနံ၊ ကြက်သွန်မြိတ်၊ ကြက်သွန်နီ၊ ခရမ်းချဉ်သီး၊ ငရုတ်သီးစိမ်းတို့ကို ထည့်နော်။ ငံပြာရည်လေးနဲ့ သံပုရာရည်လေးထည့်ပါ။ ပြီးတော့ သေချာနှံ့အောင် မွှေပေးနော်။ (လက်နဲ့မနယ်နဲ့နော်၊ လက်တွေပူကုန်မယ်၊ ငရုတ်သီးတွေကြောင့်) ပြီးရင် ခုနက လှော်ထားတဲ့ မြေပဲဆံနဲ့ သီဟိုဠ်ဆံကိုလည်း ထည့်လိုက်ဦး။ အရသာအပေါ့အငန်ကိုမြည်းနော်။ ငရုတ်သီးအလှော်တောင့် ၇ တောင့်လောက်ကို ကပ်ကြေးနဲ့ သေးသေးလေးတွေဖြစ်အောင်ကိုက်ပြီးထည့်လိုက်ဦးနော်။ အမလေးနော့့့် ပြောရင်းနဲ့ သွားရည်ယိုနေသေးတယ့့့် ဒွတ်ခ့့့ အားလုံး သေချာနှံ့အောင်နယ်ပြီးပြီ အရသာလဲ စိတ်ကြိုက်တွေ့ပြီဆိုရင်တော့ ပန်းကန်ပြားလှလှလေးထဲကို အောက်မှာ ဆတ်လတ်ရွက်လေးတွေ ခင်းပြီး အပေါ်မှာ ခုနက ပုဇွန်ကြာဇံသုပ်လေးကို တင်လိုက်ပါနော်။ အပေါ်ကနေ မြေပဲဆံနဲ့ သီဟိုဠ်ဆံလှော်ထပ်ဖြူးလိုက်နော်။ ပြီးရင် ကြက်သွန်မြိတ်ပါးပါးလှီးလေးတွေလည်းဖြူးလိုက်ဦး။ ငရုတ်သီးအခြောက်အလှော်တောင့်လေးတွေကိုလဲ ဘေးနားမှာ လှလှပပ စီထားပေးလိုက်ဦးနော်။ အဲ့ဒါဆိုရင်တော့ အနံ့အရသာနဲ့လဲ ပြည့်စုံပြီး အာဟာရလဲပြည့် ကယ်လိုရီအပြည့်နဲ့ ပုဇွန်ကြာဇံသုပ်လေးဖြစ်သွားပါပြီ ။ ဒိုင်းရက် (Diet) လုပ်လိုသူတွေအတွက်တော့ အကောင်းဆုံးအစားအစာပါ။ ဆီနဲ့ အချိုမှုန့် လုံးဝမပါပါ။

ဂျပန်တွေကတော့ အဲ့ဒီအသုပ်ကို ရေခဲသေတ်တာထဲကို တစ်နာရီလောက်ထည့်လိုက်ပါသေးတယ်။ အေးအောင်လုပ်ပြီးတော့မှ စားပါတယ်။

သာမီးတို့ကတော့ ဒီအတိုင်းပဲ စားလိုက်တာပါပဲ။ စပ်လိုက်တာမှလဲ ပြောမနေနဲ့။ ဂငယ်တွေက အမှန်တကယ် ငံပြာရည်နံ့ မခံနိုင်ပါဘူး၊ တရုတ်နံနံ့ရဲ့အနံ့နဲ့ သံပုရာသီးနံ့က ငံပြာရည်နံ့ကို လွှမ်းသွားပါတယ်။ အစပ်ကတော့ သူတို့လဲ ချီုချိုစပ်စပ်လေးသုပ်ထားပေးလိုက် စားကြပါတယ်။ ကြိုက်လွန်းလို့တဲ့လေ။ ကျွန်မ မြန်မာပြည်မပြန်ခင်မှာ အဲ့ဒီအသုပ်လုပ်နည်းလေး သူတို့ကို ရေးပေးခဲ့ပါတဲ့လေ။့့့ 

သူငယ်ချင်းတို့လဲ အချိန်ရရင် ထိုင်းပုဇွန်ကြာဇံသုပ်လေး သုပ်စားကြည့်ပါလားနော့့့်


(နေးတစ်မှာတင်ပြီးသားနော်)

0 comments:

Post a Comment