Wednesday, December 14, 2011

အမဲခြောက်ကိုယ်တိုင်လုပ်ပြီး မီးဖုတ်စားကြရအောင့့့် 


ချစ်သောမောင်နှမများအားလုံး မင်္ဂလာပါရှင့့့်  အမဲခြောက်လုပ်နည်းကို ဟိုနေ့က ဘလော့ဂ်မှာ ရေးပြီး draft မှာ ဆေ့ဖ်လုပ်ခဲ့ပြီး အပြင်သွားလိုက်တာ ပြန်လည်းလာရော တစ်လုံးမှ မကျန်တော့လို့ ထိုင်ငိုလိုက် ရသေးတယ်။ စိတ်နာနာနဲ့ ဒီနေ့ ဒီမှာ အပြီးရေးပြီး ပြန်တင်မယ်။ 
အမဲသား အသားကောင်းကောင်းကို ၀ယ်ပြီး ရေမဆေးဘဲ တစ်သျှူးနဲ့ သန့်စင် ပေးပါ။ ပြီးတော့ အမဲသားကို လက်နှစ်လုံးအထူ ခြောက်လက်မ အရှည်လောက်ရအောင် လှီးပေးပါ။ ပြီးတော့ ဆား၊ သကြား၊ သံပရာသီးတစ်လုံးရဲ့ အရည်နဲ့ ချင်းစိမ်း လက်သုံးဆစ်ကို ထောင်းပြီး အားလုံးရောပြီး အမဲသားထဲ ထည့်နယ်ပေးပါ။
ပြီးရင် အမဲသားတွေ ကို သီတံနဲ့ပဲ လှန်းလှန်း၊ ဇကာနဲ့ပဲလှန်းလှန်း ခြောက်အောင် လှန်းပါ။ မြန်မာနိုင်ငံ မှာ နေကျဲကျဲတောက်ပူရင် နှစ်ရက်လှန်းရင် ကောင်းကောင်းခြောက်ပါတယ်။ ချင်းရယ် သံပရာရည်ရယ် ပါတဲ့အတွက် အမဲသားခြောက်လှန်းနေတဲ့အချိန်မှာကတည်းက အနံ့က တော်တော်လေး ဆွဲဆောင်မှု အားကောင်းပါတယ်။ တစ်ရက်နေလှန်းပြီးရတဲ့အသားကိုလေ ကင်စားရယ် အမဲသား ရို့စ်လေး လိုပဲ မွှေးမွှေးအိအိလေးနဲ့ စားလို့ကောင်းသလို ၂ ရက်နေလှန်းပြီး ကောင်းကောင်းခြောက်နေတဲ့ အမဲခြောက်ကို မီးသွေးမီးနဲ့ပဲ ကင်ကင်၊ မိုက်ကရိုဝေ့ဖ်နဲ့ကင်ကင် အနံ့အရသာနဲ့ အရမ်း ကို ပြည့်စုံပါတယ်။ ရလာတဲ့ အမဲခြောက်ကို သတင်းစာစက္ကူပတ်၊ ပလတ်စတစ်အိတ် နဲ့ လေလုံ အောင်ထုပ်ပြီး အကြာကြီး သိမ်းထားနိုင်ပါတယ်နော်။ 
ကင်တဲ့အခါမှာ ပထမ ၇ မိနစ်လောက် ကင်ပြီးတော့ အမဲခြောက်ကို မွမွလေးဖြစ်အောင် ငရုပ်ကျည်ပွေ့နဲ့ ထုပေးပါတယ်။ ပြီးတော့မှ နောက် တစ်ဘက်ကို လှည့်ပြီး ကင်ပါတယ်။ ၃ မိနစ်လောက်ကင်လိုက်၊ ထုပေးလိုက်၊ အဲ့ဒီလိုနဲ့ အားလုံး အကျက်ညီအောင် ကင်ပြီးတော့မှ ပဲဆီမွှေးလေးဆမ်းပါ နော်။ အဲ့ဒါကို ကောက်ညှင်းပေါင်းနဲ့ဖြစ်ဖြစ်၊ ထမင်းဖြူ ပူပူလေးနဲ့ဖြစ်ဖြစ် တွဲဖက်သုံးဆောင်နိုင် သလို ကောက်ညှင်းမွှေးလက်ဖက်ခြောက်ခပ်ထားတဲ့ ရေနွေးကြမ်းပူပူလေးနဲ့လည်း သုံးဆောင်နိုင်ပါတယ်။ အဖျော်ယမကာ ကြိုက်နှစ်သက်သူတွေအတွက်လည်း အမြည်းတစ်လက်ပေါ့။
မိုက်ကရိုဝေ့ဖ်နဲ့ ကင်တဲ့အခါမှာ Grill Setting ကို ရွေးလိုက်ပါ။ Grill Setting  က မီးအားက Medium အဆင့်မှာ ရှိပါတယ်။ Grill Setting  ရွေးပြီးတဲ့အခါ စတီးစင်လေးကို တင်လိုက်ပါ။ အဲ့ဒီအပေါ်ကနေမှ အမဲခြောက်လေးတွေကို တန်းစီပြီး တင်ပါတယ်။ ပြီးတော့ မလုက ၁၀ မိနစ် အပူပေးလိုက်ပါတယ်။ ၁၀ မိနစ်ပြည့်ရင် အမဲခြောက်တွေကို ငရုတ်ကျည်ပွေ့နဲ့ အသာထုပေးပါတယ်။ ပြီးမှ ၃ မိနစ်တစ်ခါ တစ်လှည့်စီ လှည့်ကင်ရင်းနဲ့ ထုလိုက် ကင်လိုက် လုပ်ပေးပါတယ်။ အားလုံး မိနစ် ၂၀ လောက်ဆိုရင်တော့ အနံ့အရသာနဲ့ အလွန်ပြည့်စုံလှတဲ့ အမဲခြောက်ကင်လေး ရပါပြီနော်။ ချင်းရည်နဲ့ ချင်းဖတ်လေးတွေပါတဲ့ အတွက် အမဲခြောက်ရဲ့ အနံ့အရသာက အရမ်းကို ကောင်းမွန်လှပါတယ်။ စမ်းသပ်ကြည့်ကြပါဦးနော်။
အမဲခြောက်ကို မီးဖုတ်တာအပြင် ခရမ်းချဉ်သီးနဲ့ချက်တာရော၊ ပြုတ်ကြော်လုပ် တာရော၊ ဘာလချောင် ကြော်တာပဲဖြစ်ဖြစ် နည်းမျိုးစုံနဲ့ ချက်စားလို့ ရပါတယ်။ အမဲသားနံ့ညှီလို့ မခံနိုင်ဘူး ဆိုတဲ့ မောင်နှမတွေအတွက်၊ အမဲသား ချက်ရတာ အနူးခက်တယ်ဆိုတဲ့ မောင်နှမတွေအတွက် ဒီ နည်းလေးက အရမ်းကို အဆင်ပြေပါတယ်နော်။ နောက်ပြီး အမဲသားဟင်းချက်ရင် အဆီတွေနဲ့ ခဲသွားတဲ့ ပြဿနာမျိုးလည်း မကြုံရတော့ဘူးလေ။ စမ်းသပ်ကြည့်ကြပါနော်။ 
အမဲသားမစားတဲ့ မောင်နှမတွေကတော့ ဆတ်သား၊ ဆိတ်သားတို့ကို ဒီနည်းနဲ့ အခြောက်လှန်းပြီး လုပ်စားနိုင်ပါတယ်နော်။

8 comments:

  1. အမဲခြောက်ကိုအကြိုက်ဆုံးဘဲ.. ဘယ်လောက်စားစားမရိုးနိုင်ဘူး..
    ကိုယ်တိုင်လုပ်ကြည့်သေးတယ်.. ပုပ်ကုန်လို့ မမလု...
    မမလုနည်းအတိုင်းစမ်းကြည့်မယ်နော်.

    ReplyDelete
    Replies
    1. ဟုတ်ကဲ့ စမ်းကြည့်ပါနော် ကူးကူးလေး

      Delete
  2. မမလုလုရေ အမဲသားမစားတော့ ဆိတ်သားကိုလုပ်လို့ရလားဟင်
    လုပ်ကြည့်မယ်နော်

    ပျော်ရွှင်ဖွယ်ဒီဇင်ဘာနေ့ရက်များဖြစ်ပါစေမမရေ

    ချစ်တဲ့

    မဒိုးကန်

    ReplyDelete
    Replies
    1. ဆိတ်သားကိုလည်း လုပ်လို့ရပါတယ့့့်  ဆိတ်သားကို လုပ်တဲ့အခါ ချင်းနဲ့ သံပရာရည် နည်းနည်းပိုထည့်ပေးပါ့့့ 

      Delete
  3. ညီမ လုလု ရေ

    ကျေးဇူး

    ReplyDelete
    Replies
    1. ဟုတ်ကဲ့မမရွှေစင့့်  မမရွှေစင်လာအားပေးလို့လည်း လုလုက ကျေးဇူးအများကြီး တင်ပါတယ်

      Delete
  4. မလုလုရေနည်းသစ်လေးပေးတဲ့အတွက်ကျေးဇူးပါပဲ ကျွန်တော်ကတော့အမဲသားကိုဆားနဲနဲယမ်းစိမ်းနဲနဲအရမ်းမများစေပါနဲ့ရယ် နာနာနယ်ပြီးတော့လှမ်းလေ့ရှိပါတယ် ယမ်းစိမ်းကြောင့်အသားဟာအကျက်မြန်သလိုယင်လဲမဥနိုင်ပါဘူး.။ အရောင်လဲလှပါတယ်.အခြားနိုင်ငံတွေမှာတော့ယမ်းစိမ်းမရနိုင်လို့Meat tenderize အမှုန့်ကိုကုန်တိုက်တွေမှာမေးဝယ်လို့ရပါတယ်. အမပေးတဲ့နည်းသစ်လေးကိုမနက်ဖြန်မနက်ကျယင်တော့ဈေးပြေးပြီးစမ်းကြည့်လိုက်အုံးမယ်ဗျို့ ကျေးဇူးပါပဲမမလေးခင်ဗျာ.. သတ္တဝါတွေမှန်သမျှစိတ်လက်ချမ်းသာရှိကြပါစေသော်..

    ReplyDelete
    Replies
    1. အမဲခြောက်အချစ်တော် ပြောတဲ့ နည်းလေးနဲ့ နောက်တစ်ခေါက်ကျမှ Meat Tenderizer အမှုန့်ဝယ်ပြီးရင် စမ်းကြည့်မယ်နော့့့် အခုလောလောဆယ်တော့ မလုက ဒီနည်းလေးအတိုင်းလေးပဲ လုပ်စားဖြစ်တယ်နော့့့်
      စမ်းသပ်တာလည်း အောင်မြင်ပါစေ့့့

      Delete