Thursday, August 19, 2010

ငါးဖယ်လုံးကော်ရည်

Reactions: 

          ချစ်သောမောင်နှမများအားလုံး မင်္ဂလာပါရှင်။ ၁၈ x ၂ မွေးနေ့ပွဲမှာ ပရိတ်သတ်တွေကို တည်ခင်းဧည့်ခံခဲ့တဲ့ ကော်ရည်ခေါက်ဆွဲက ဓာတ်ပုံမရိုက်လိုက်ရဘူးလေ။ တစ်အိမ်လုံး လက်မလည်ရအောင် အလုပ်တွေက ရှုပ်နေတာဆိုတော့  ဓာတ်ပုံလည်း မရိုက်မိပါဘူး။ သူရိုက်နိုး၊ ကိုယ်ရိုက်နိုးနဲ့ပဲ ဘယ်သူ့ကင်မရာမှာမှ မပါလာမှန်းသိရတယ်။ အိမ်က ညီမလေးတွေက ဧည့်သည်လာရင် ဒီလိုပြောတယ်၊ အားလုံး သူ့လက်ရာချည်းပဲ၊ ဒါပေမယ့် တစ်အိမ်လုံး ဘယ်သူမှ မအိပ်ရဘူးလေတဲ့။ အဲ့ဒီလိုချစ်တာ။ သြဘာပေးတာ။ ဟိဟိ။

          ကျွန်မနေတဲ့နေရာက လှိုင်သာယာ၊ မီးခွက်ဈေးနားဆိုတော့ မွေးနေ့အလှူတုန်းက ရုံးက အဖွဲ့သားများထဲက အသက်ကြီးပုဂ္ဂိုလ်တွေက မလာနိုင်ဘူးလေ။ ဝေးတာကိုးနော့်။ အဲ့ဒါနဲ့ပဲ ရုံးအဖွဲ့သားများရယ်၊ ကျွန်မရုံးက လုပ်ဖော်ကိုင်ဖက် ညီမလေး တစ်ယောက်က မွတ်ဆလင်ဘာသာဝင်မို့လို့ သူတို့ညနေဘက် ၀ါဖြေရင် စားလို့ရအောင်လို့အတွက်ရယ် ရည်ရွယ်ပြီး ငါးဖယ်လုံးနဲ့ ကော်ရည်ချက်ပေးဖို့ ရုတ်တရက်ကြီး စီစဉ်ပေးလိုက်ပါတယ်။

          လိုအပ်တဲ့ပစ္စည်းတွေကတော့ ခေါက်ဆွဲ၊ ငါးဖယ်၊ ငါးဖယ်ရိုး၊ ပဲပြား၊ ကြွက်နားရွက်မှို၊ မုန်လာဥနီ၊ ကန်စွန်းရွက်၊ တရုတ်နံနံ၊ ကြက်သွန်မြိတ်၊ ချင်း၊ ကြက်သွန်ဖြူ၊ ချင်း၊ ဟင်းခတ်မှုန့်၊ ဆား၊ သကြား၊ ရှာလကာရည်၊ ကြက်သွန်ကြော်၊ ငရုတ်ကောင်းမှုန့်တို့ပါနော်။

          အချဉ်အတွက်တော့ ငရုတ်သီးစိမ်း၊ ငါးပိစိမ်းစားနဲ့ ရှောက်သီး/သံပရာသီးတို့ပါနော်။ ငရုတ်သီးစိမ်းလေးတွေကို အညှာခြွေ၊ ရေဆေးပြီး ပွက်ပွက်ဆူနေတဲ့ ရေနွေးထဲ ထည့်လိုက်ပါ၊ ပြီးတော့မှ ပြန်ဆယ်၊ အအေးခံပြီး မထူမပါးလေးလှီး၊ ဆားလေးနည်းနည်း၊ သကြားလေး နည်းနည်းနဲ့နယ်ပြီး ရှာလကာရည်လေးနဲ့ စိမ်ပေးထားပါနော်။ (ဒါကတော့ တစ်ညကြို လုပ်ထားရင် ပိုကောင်းပါတယ်နော်)။

          ပထမဆုံးမှာတော့ အိုးကြီးကြီးတစ်လုံးထဲမှာ ရေထည့်ပြီး ရေနွေးပွက်ပွက်ဆူအောင် တည်ပေးထားပါ။ အဲ့ဒီအချိန်မှာ ငါးဖယ်တွေကို ကြက်သွန်ဖြူချင်း၊ ဆား၊ သကြား၊ ဟင်းခတ် မှုန့်တို့နဲ့ ရောပြီး နာနာထောင်းပေးပါနော်။ ပြီးတော့မှ အလုံးလေးတွေ လုံးပေးထားပါ။ ပဲပြားကို လည်း ရေဆေးပြီး အတုံးသေးသေးလေးတွေ ဖြစ်အောင် တုံးပေးထားပါ။ ကြွက်နားရွက်မှိုကို ရေနွေးနဲ့ စိမ်၊ ရေအေးနဲ့ ဆေးပြီးတော့ မျှင်မျှင်လေးတွေ ရအောင် လှီးပေးထားပါ။ မုန်လာဥနီကို အခွံနွှာပြီး သေးသေးလေးတွေ ဖြစ်အောင် လှီးပေးထားပါ။ ကန်စွန်းရွက်တွေကိုတော့ အရိုးနဲ့ အရွက် သပ်သပ်စီ ချွေပေးထားပါနော်။ တရုတ်နံနံနဲ့ ကြက်သွန်မြိတ်တို့ကိုလည်း သန့်စင်အောင် ရေဆေး၊ ရေစစ်ပြီးတော့မှ ပါးပါးလှီးပေးထား ပါနော်။

ရေနွေးပွက်ပွက်ဆူလာရင် ချင်းနဲ့ ကြက်သွန်ဖြူတို့ကို မညက်တညက်လေးထောင်းပြီး ရေနွေးအိုးထဲ ထည့်ပေးပါ။  ပြီးရင် ငါးဖယ်ရိုးတွေကို ထည့်ပြီး ပွက်ပွက်ဆူအောင် တည်ပေးပါ။ ငါးဖယ်ရိုးအိုး ပွက်ပွက်ဆူပြီဆိုရင်တော့ ငါးအရိုးတွေ မပါအောင် ရေစစ်လေးနဲ့ အချိုရည် တွေကို သေချာစစ်ယူပြီးမှ အရိုးတွေကို လွှင့်ပစ်ပေးပါနော်။ ပြီးရင် ပွက်ပွက်ဆူအောင် ထပ် တည်ပေးပါ။ ဟင်းအိုးဆူပြီ ဆိုရင်တော့ လုံးထားတဲ့ ငါးဖယ်လုံးတွေထည့်ပြီး ပွက်ပွက်ဆူအောင် တည်ပေးပါ။ ငါးဖယ်လုံးလေး တွေက ဟင်းရည်အိုးထဲ ထည့်လိုက်တဲ့အချိန်မှာ ကျက်ပြီ ဆိုရင် ငါးဖယ်လုံးလေးတွေက ဟင်းအိုးအပေါ်တက်လာမှာနော်။ ပြီးရင်တော့ ဟင်းရည်အိုး ထဲကို တုံးထားတဲ့ ပဲပြားရယ်၊ ကြွက်နားရွက်မှိုလေးရယ်၊ ဆား၊ သကြား၊ ဟင်းခတ်မှုန့်တို့ကို ထည့်ပေးပြီး ဟင်းရည်လေး နည်းနည်းကျအောင် တည်ပေးထားပါ။ ပြီးရင်တော့ ကော်မှုန့် တွေကို ရေဖျော်ထားပြီးတော့ ဟင်းရည်အိုးထဲ ထည့်ပေးပါ။ ကော်ရည်ကို ဟင်းအိုးထဲ ထည့်တဲ့ အချိန်မှာ ကော်ရည်တွေ တစ်နေရာထဲမှာ ကျပြီး ခဲမသွားရလေအောင် ဟင်းရည်အိုးကို သတိထားပြီး မွှေပေးပါ။  ကော်ရည်တွေ ပွက်ပွက် ဆူလာအောင် တည်ပေးပါ။ ငါးဖယ်ရိုး၊ ငါးဖယ်လုံးနဲ့ ချက်ထားတာမို့ ငါးညှီနံ့ဖြစ်နေမှာကို မစိုးနဲ့နော်။ ချင်းများများ၊ ကြက်သွန်ဖြူ နိုင်နိုင်ထည့်ထားတာမို့ ငါးနံ့မလွှမ်းနေပါဘူးနော်။ ငရုတ်ကောင်းမှုန့်လေးလည်း ထည့်ပေးလို့ ရတယ်နော်။

စားခါနီးကျမှ ဟင်းရည်အိုးထဲကို မုန်လာဥနီနဲ့ ကန်စွန်းရိုးကို အရင်ထည့်ပြီး တည်ပါ။ ကန်စွန်းရွက်ကိုတော့ နောက်ဆုံး မှ ထည့်ပြီး ဆူပြီဆိုရင် အပေါ့ အငန်မြည်းပြီး ဟင်းအိုးချလို့ ရပါပြီနော်။ အသီးအရွက်ထဲမှာက ကိုယ်စိတ်ကြိုက်ဖြစ်မယ့် အသီး အရွက်တွေလည်း ထည့်လို့ ရသေးတယ်နော်။ ဥပမာ မုန်ညင်း၊ ပဲပင်ပေါက်တို့ ပန်းမုန်လာတို့ပေါ့နော်။ ဒါ့အပြင် ငုံးဥတို့ ဖက်ထုပ်တို့လည်း ထည့်ချင်ရင် ထည့်လို့ရတယ်နော်။ ကိုယ့်စိတ်ကြိုက်ပေါ့နော်။

 မီးအုံးထားတဲ့ ငါးပိစိမ်းစားထဲကို ကြက်သွန်ဖြူထောင်းလေးထည့်၊ သံပုရာရည်ရွှဲရွှဲ လေးဆမ်းပေးပါ။

အားလုံးအသင့်ဖြစ်ပြီဆိုရင်တော့ ပန်းကန်လုံးထဲကို ခေါက်ဆွဲထည့်၊ ကော်ရည်ခပ်ထည့်၊ ငါးဖယ်လုံး၊ ပဲပြား အဆာ ပလာနဲ့ ဟင်းသီးဟင်းရွက် မျှအောင် ခပ်ထည့်ပါ။ ပြီးတော့ ငရုတ်ကောင်းမှုန့်လေးဖြူး၊ ကြက်သွန်ကြော်လေးထည့်၊ ကြက်သွန် မြိတ်၊ တရုတ်နံနံလေးထည့်ပြီး ပွဲပြင်ပေးပါ။ ပြီးရင်တော့  ကင်မ်ချီလေးနဲ့ ဖြစ်ဖြစ်၊ ငါးပိထောင်း မီးကင် သံပုရာရည်ဆမ်း၊ ငရုတ်ချဉ်လေးနဲ့ တွဲဖက်ပြီး ပူပူနွေးနွေးလေး သုံးဆောင်ပါနော်။

          အရင်တစ်ခါရေးဖူးတဲ့ အသားနဲ့ ချက်တဲ့ ကော်ရည်ခေါက်ဆွဲလင့်ခ်ကလေးကတော့

8 comments:

  1. ကျေးဇူးအများကြီး တင်ပါတယ် မလုရေ

    ReplyDelete
  2. မလုရေ..
    လာစားတော့ဘူးနော်..
    အဟီးး..စတာပါ..
    ကော်ရည်ခေါက်ဆွဲမကြိုက်လို့ပါ..။
    တခါပဲစားဖူးပါတယ်..
    လန်ဒန်မှာ စားဖူးတာဆိုရယ်စရာကောင်းနေမလား...
    ငပိထောင်းတော့ ကြိုက်ပါတယ်..။

    ReplyDelete
  3. မလုစေတနာ အရမ်းကောင်းတယ် :)

    ReplyDelete
  4. မလုလုရေ
    ငါးဖယ်ရိုးက သပ်သပ်ဝယ်လိူ့ရလား
    သိချင်လို့ပါ

    ReplyDelete
  5. ညီမ လုလု ရေ

    ကော်ရည်ခေါက်ဆွဲလေး ကို စားချင်လိုက်တာ ပြည်မှာ တုံးကတော့ အမြဲစားတယ် ကြိုက်တယ် မန်းလေး ကကော်ရည် က အခု မလုလိုမျိုးမဟုတ်ဘူး ပဲပင်ပေါက် တမျိုးထဲ ထည့်ပေးတယ် ကောင်းဘူး

    ခင်တဲ့
    အမရွှေစင်

    ReplyDelete
  6. မလုလု...
    အစ်မ က လှိုင်သာယာကလား။ ညီမ က ပင်လုံဈေးမှာနေတာ။ နောက်ကြူံရင် မမ လုဆီ ကို အလည်လာမယ်.။အစ်မ ရဲ့  ဟင်းချက်တာ လေးတွေ ကို နေ့ တိုင်းဝင်ကြည့် ဖြစ်တယ်။ ကွန်မန့် မရေးဖြစ်ဘူး.။သိချင်တာ ရှိရင် လဲ အစ်မ ဆီကနေ ကြည့် ပြီးချက်တာ ။ ကျေးဇူး မမလု

    ReplyDelete