လှိုင်းတွေလည်း ပြေးဆော့နေဆဲ့့ ဘယ်သောင်ပြင် ဘယ်ကမ်းပါးဆီကိုရွယ့့့် နားခိုစရာ သူရှာလို့ရယ့့့် အပြေးလေးလှမ်းခဲ့တယ့့့် သောင်ခုံပြင်ဝယ့့့် ဟိုသည်မှာကွယ့့့် ၀င်ကာရယ့့့် ငိုလွမ်းကြရတယ့့့် ဒီနေ့ ကျွန်မမောင်နှမတွေကို မေတ္တာရေလှိုင်းကျောက်ကျောလုပ်နည်းလေး ဝေမျှပါရစေ့့့  ဒီကျောက်ကျောလေးကို မတ်လ (၂) ရက်နေ့ တောင်သူလယ်သမားနေ့ဂုဏ်ပြုအစီအစဉ်အနေနဲ့ လူရိုင်းခေါင်းတံဆိပ်ကျောက်ကျောထိုးပြိုင်ပွဲမှာ ၀င်ရောက်ယှဉ်ပြိုင်ခဲ့တဲ့ ကျောက်ကျောဖြစ်ပါတယ်နော်။
အဲ့ဒီအထဲက ဒုတိယတစ်မျိုးဖြစ်တဲ့ မေတ္တာရေလှိုင်းကျောက်ကျောလုပ်နည်းလေးကို ဝေမျှလိုက်ပါတယ်နော်။
လိုအပ်တာတွေကတော့ အုန်းနို့၊ ပင်ပွား၊ အုန်းစိမ်း၊ သကြား၊ အစိမ်းရောင်ဖျော်ရည်အနည်းငယ်၊ ဆားအနည်းငယ်နဲ့ ကျောက်ကျောတို့ပါနော်။
လူရိုင်းခေါင်းတံဆိပ် 25 ဂရမ်ကျောက်ကျောတစ်ထုပ်ဆိုရင် ထမင်းစားဇွန်း ၃ ဇွန်းနဲ့ ညီမျှပါတယ်။ အဲ့ဒီကျောက်ကျောတစ်ထုပ်ဆိုရင် သကြား ၂၅ ကျပ်သားနဲ့ ရေတစ်လီတာခွဲသုံးရပါမယ်။
ဒီကျောက်ကျောလေးက သုံးလွှာလုပ်မှာမို့ကျောက်ကျောကို သုံးထုပ်သုံးပါမယ်။ ဒါမှမဟုတ် ကျောက်ကျောတစ်ထုပ်တည်းကို သုံးမယ်ဆိုရင်လည်း ကျောက်ကျောကို သုံးပုံပုံပါ။ သကြားကိုတော့ အထက်မှာ ဖေါ်ပြထားတဲ့အတိုင်း အချိုးညီအောင်ထည့်ပါ။
ပထမတစ်လွှာကို အုန်းနို့ကျောက်ကျောဖြစ်အောင်ကျိုမယ်၊ ဒုတိယတစ်လွှာကို ကျောက်ကျောအကြည်မှာ အစိမ်းရောင်ဖျော်ရည်အနည်းငယ်ထည့်ပြီး ပင်ပွားလေးတွေထည့်ပြီးကျိုမယ်။ ပြီးရင် အုန်းသီးစိမ်းလေးတွေကို လှိုင်းတွန့်ပုံဖော်ပြီး စီစီရီရီလေးတွေဖြစ်အောင်စီထားမယ်။ နောက်ဆုံးတစ်လွှာကိုတော့ အုန်းစိမ်းရေနဲ့ကျောက်ကျောကျိုပြီး အပေါ်ဆုံးကနေ အုပ်လိုက်ရုံပါပဲနော်။
ပထမအလွှာလုပ်နည်း
သကြားကို ရေသန့်တစ်ဗူးနဲ့ဖျော်ပြီး ဖုန်တွေအမှုန်တွေမပါအောင် ရေစစ်နဲ့ စစ်ထားပေးပြီး ကျောက်ကျောမှုန့်နဲ့ ရောဖျော်ပေးပါ။ ပြီးတော့အုန်းနို့ရည်လီတာဝက်ကိုထည့်ပြီး အားလုံးရောမွှေပြီး မီးဖိုပေါ်တင်ပြီး ကျိုပေးပါနော်။ 10 မိနစ်ကျော်၊ 15 မိနစ်လောက်ဆိုရင်တော့ ကျောက်ကျောအိုးချပြီး ဗန်းထဲမှာ ပထမတစ်လွှာခင်းလိုက်ပါနော်။
ဒုတိယအလွှာလုပ်နည်း
ကျောက်ကျောမှုန့်ရယ်၊ သကြားရယ်၊ ရေရယ်ကို ကျိုပြီး အစိမ်းရောင်ဖျော်ရည်လေးနည်းနည်းထည့်ပြီး အရောင်နည်းနည်းယူပြီး ထည့်ကျိုပါ။ ပြီးတော့မှ ပင်ပွားတွေကိုထည့်ကျိုပြီး ဗန်းထဲကို ဒုတိယအလွှာအဖြစ် လောင်းထည့်ပေးပါနော်။
တတိယအလွှာလုပ်နည်း
အုန်းသီးစိမ်းဇွန်းခြစ်ကို ဇွန်းနဲ့အသာခြစ်ယူပြီး ဓားနဲ့ လှိုင်းတွန့်လေးတွေဖြစ်အောင် လှီးဖြတ်ပေးပါ။ ပြီးတော့မှ ကျောက်ကျောဗန်းထဲက ဒုတိယအလွှာပေါ်မှာ အုန်းသီးဖတ်လေးတွေကို တန်းစီပေးထားပါ။ အုန်းစိမ်းအရည် တစ်လီတာခွဲ၊ သကြားနဲ့ ကျောက်ကျောတို့ကို ရောသမပြီး ကျောက်ကျောတစ်အိုးထပ်ထိုးပေးပါ။ ပြီးတော့မှ နောက်ဆုံးအလွှာအနေနဲ့ ကျောက်ကျောတွေကို ဗန်းပေါ် အသာခင်းပေးပါ။ အုန်းသီးတွေ ရွေ့မသွားအောင် သတိထားပြီး ကျောက်ကျောကို ဇွန်းနဲ့ လောင်းချပေးပါနော်။
ခဲသွားပြီးဆိုရင်တော့ အသင့်စားသုံးနိုင်တဲ့ အုန်းပင်ပွားကျောက်ကျော (မေတ္တာရေလှိုင်း) ရပါပြီနော်။
0 comments:
Post a Comment