သီးစုံပဲကုလားဟင်း

ဟင်းသီးဟင်းရွက်ကို နှစ်သက်တဲ့ ကျွန်မအဖို့ တို့စရာအဖြစ် အစိမ်းစားစား၊ အသုပ်လုပ်စားစား၊ ကြော်စားစား၊ ချဉ်ရည်ဟင်းချက်စားစား အကုန် ကြိုက်ပါတယ်။ ကျွန်မအစ်ကိုက ကျွန်မကိုပြောဖူး ပါတယ်။ အဲ့ဒီလောက်အရွက်တွေစားတာ ဆိတ်သေ လို့များဝင်စားသလားတဲ့လေ။ ခုတလော ဟင်းသီးဟင်းရွက်တွေကို အမျိုးမျိုးချက် စားဖြစ်ပေမယ့် မချက်ဖြစ်သေးတာ ကြာပြီဖြစ်တဲ့ သီးစုံပဲကုလားဟင်းလေးကို ချက်စားချင်စိတ် ဖြစ်နေ မိပါတယ်။ ညီမလေးအမွန်ကလဲ တောင်းဆိုထားတော့ ဒီနေ့ အဲ့ဒီဟင်းလေးကို ချက်ဖြစ်ပါတယ်။ လိုအပ်တဲ့ ပစ္စည်းတွေကတော့ ကုလားပဲ၊ အာလူး၊ ခရမ်းသီး၊ မျှစ်၊ ရွှေဖရုံသီး၊ ဒန့်သလွန်သီး၊ မုန်လာဥ၊ ပဲသီး၊ ဗူးသီး၊ ရုံးပတီသီး စသဖြင့် ကိုယ်ကြိုက်နှစ်သက်တဲ့ အသီးအရွက်တွေထည့်ပါ။ ကုလားပဲကိုတော့ ညက တည်းက ရေစိမ်ထားလိုက်ပါတယ်။ ဟင်းချက်မယ်ဆိုတော့ တခြားဟင်းသီးဟင်းရွက်တွေကို ပြင်ဆင်နေတုန်း ကုလားပဲကို နူးအောင်ပြုတ်ထားလိုက်ပါနော်။ အာလူးကိုအခွံနွှာ၊ အရွယ်တော် အတုံးလေးတွေ ဟင်းအိုးဆီသတ်ဖို့ကိုတော့ ကြက်သွန်ဖြူ၊ နီ အခွံနွှာ၊ ပါးပါးလှီးပါ။ ကရဝေးရွက် (ရှိရင်ပေါ့နော်)၊ မာဆလာ အနည်းငယ်စတာတွေကိုလဲ ပြင်ထားပါ။ မန်ကျည်းသီးကို ရေနွေးနဲ့ စိမ်ထားပေးပါ။ အားလုံး အဆင်သင့်ဖြစ်ပြီဆိုရင်တော့ မီးဖိုပေါ် ဟင်းအိုးတင်၊ အပူပေးပြီး ဆီထည့်ပါနော်။ ဆီပူလာရင် ကြက်သွန်ဖြူနီငရုတ်သီးတွေထည့်ပြီး ဆီသတ်ပါ။ ပျဉ်းတော်သိမ်ရွက်ရှိရင် တစ်ခါတည်းထည့်ပြီး ဆီသတ်နိုင်ပါတယ်။ ငရုတ်သီးကြိုက်တတ်ရင် ငရုတ်သီးတောင့်လေးတွေပါ ကြော်ပြီးထည့်လို့ရပါတယ်။ တချို့က ငါးခြောက်ထည့်တာ ကြိုက်တတ်ပါတယ်။ အဆင်ပြေရင် ငါးခြောက်ထည့်ပါ။ ပြီးတော့ အနူးကြာတဲ့ အာလူး၊ ရွှေဖရုံသီး၊ မျှစ်တို့ကို အရင်ထည့်ပြီး မွှေပေးပါ။ ဆား၊ အချိုမှုန့်၊ ငံပြာရည်နဲ့ ရေနည်းနည်းထည့်ပြီး အဖုံးခဏအုပ်ထားပေးပါနော်။ ငါးမိနစ်လောက်နေရင် အဖုံးဖွင့်၊ ပြီးတော့ ခရမ်းသီး၊ ဒန့်သလွန်သီး၊ ဗူးသီးနဲ့ ကျန်တဲ့ ဟင်းသီးဟင်းရွက်တွေကို ထည့်ပြီးမွှေပါ။ ပြီးရင် အဖုံးပြန်အုပ်ထားပါ။ ဟင်းအိုးဆူလာပြီဆိုရင်တော့ မန်ကျည်းနှစ်လေးတွေထည့်၊ ရေကို သင့်သလောက်ထည့်၊ အပေါ့အငန်အရသာကိုမြည်းပြီး ပြန်အုပ်ထားပါ။ နောက်ဆုံးဟင်းအိုးပွက်ပွက်ဆူလာပြီဆိုတော့မှ ရုံးပတီသီးလေးထည့်၊ မာဆလာလေးအုပ်၊ အရသာ သင့်မသင့်မြည်းပြီး ဆူအောင်တည်လိုက်ရုံပါပဲ။ အဲ့ဒါဆိုရင်တော့ သီးစုံပဲကုလားဟင်း ရပါပြီနော်။