Thursday, October 11, 2012

ငှက်ပျောဖူးချဉ်စပ်ချက်

Reactions: 

ချစ်သောမောင်နှမများအားလုံး မင်္ဂလာပါရှင့့့်  ဒီနေ့တော့ မောင်နှမတို့ကို ငှက်ပျောဖူးချဉ်စပ်ချက်လေး ချက်ကျွေးပါရစေရှင့့့် 
ငှက်ပျောဖူး လတ်လတ်ဆတ်ဆတ် အခုပဲ အပင်ကနေ ချိုင်လိုက်တာ လက်ဆောင်ရလို့ ချက်ချင်းချက်လိုက်တာပါ့့့ 

ငှက်ပျောဖူးကို အပေါ်က အရင့်ပိုင်းတွေ နွှာပစ်ပြီး အတွင်းက အဖူးအနုပိုင်းလေး ကို ပါးပါးလှီးပြီး မန်ကျည်းသီးထည့်ဖျော်ထားတဲ့ ရေထဲမှာ စိမ်ပေးပါ (အဲ့ဒီလို စိမ်လိုက်ခြင်းအားဖြင့် ငှက်ပျောဖူး မဲမသွားစေတဲ့ အပြင် ငှက်ပျောဖူးမှာရှိတဲ့ အစေးတွေလည်း သက်သာသွားစေပါတယ်)။ ပြီးတော့ ဆားနဲ့နယ်ပြီး ၃ ခါလောက် ရေဆေးပစ်ပါ၊

ကြက်သွန်ဖြူ၊ နီတို့ကို အခွံနွှာ၊ ရေဆေးပေးထားပါ။ စပါးလင်ကို အပြင်က အခွံကြမ်းတွေဖယ်ပစ်၊ အတွင်းက အနုပိုင်းလေးတွေကို ခပ်ပါးပါးလှီး ပေးထားပါ။

ကြက်သွန်နီထဲက အရွယ်တော်အလုံး နှစ်လုံးလောက်ကို ခပ်ပါးပါးလှီးပေးထားပြီး ကျန်တဲ့ အလုံးသေးလေးတွေကို ဒီအတိုင်း သပ်သပ်ဖယ်ထားပါ။ ပြီးရင် ငရုတ်ဆုံထဲကို ပုစွန်ခြောက်၊ မရမ်းပြား (မရမ်းပြားမရှိရင် မန်ကျည်းနှစ်ကို ထည့်နိုင်ပါတယ်)နဲ့ စပါးလင်ထည့်ပြီး ထောင်းပေးပါ၊ စပါးလင်ညက်ပြီဆိုရင်တော့ ငရုတ်သီးစိမ်းနဲ့ ကြက်သွန်ဖြူထည့်ထောင်းပါ၊ ပြီးရင်တော့ ကြက်သွန်နီ ထည့်ထောင်းပေးပါ။ ပြီးတော့မှ ငှက်ပျောဖူးတွေကို ရေထဲကနေဆယ်ယူပြီး ရေစင်အောင် စကာထဲထည့်ပြီး ရေစစ်ပေးထားပါ။

ပြီးရင် အိုးတစ်လုံးထဲကို ငှက်ပျောဖူးနဲ့ အဆာပလာအားလုံးထည့်၊ ဆား၊ ငါးပိစိမ်းစားအနည်းငယ်၊ ငံပြာရည်၊ ဟင်းခတ်မှုန့်တို့ကိုပါ ထည့်ပြီး သမအောင် နယ်ပေးပြီး တည်ပေးပါ။ ငှက်ပျောဖူးက ထွက်လာတဲ့အရည်နဲ့ အရင်တည်ပေးပါ။ အဲ့ဒီအရည်ခမ်းပြီဆိုရင်တော့ နောက်ထပ် ငှက်ပျောဖူးမြုပ်ရုံရေထည့်ပြီး မီးအသင့်အတင့်နဲ့ နှပ်ပေးပါ။ ငှက်ပျောဖူးထဲ အရသာလည်းဝင်ပြီး နူးအိနေစေပါ တယ်။
စပါးလင်နံ့သင်းပြီး ချဉ်ငံစပ်အရသာလေးနဲ့ စားရတာ အလွန်ထမင်းမြိန် စေပါတယ်နော်။ စမ်းပြီး ချက်ကြည့်ကြပါဦးလို့။

10 comments:

  1. ရန်ကုန်ရောက်တိုင်းချက်စားဖြစ်တယ်။ စားကောင်းတယ်နော်။။။

    ReplyDelete
    Replies
    1. မမရှင်လေးနဲ့ အကြိုက်ချင်းတူနေပြီ့့့ ဒီနှစ်ရော ပြန်လာဦးမလား မမ

      Delete
  2. ma ma lu (no need to add oil?)

    ReplyDelete
    Replies
    1. ညီမလေး မထည့်ဘဲ ချက်လို့လည်းရတယ့့့်  တကယ်လို့ ထည့်ချင်တယ်ဆိုရင် ထမင်းစားဇွန်း တစ်ဇွန်းလောက် ထည့်လိုက်ပါနော့့့် 

      Delete
  3. ma ma lu (no need to add oil?)

    ReplyDelete
  4. ငှက်ပျောဖူးချဉ်စပ်ချက်လေး
    အားပေးသွားပါတယ်။
    ခင်တဲ.အန်တီလေးမေခင်

    ReplyDelete
    Replies
    1. အားပေးသွားတဲ့ အန်တီလေးမေခင်ကို အရမ်းကျေးဇူးတင်ပါတယ်နော့့့် 

      Delete
  5. တခါမှ ချက်မစားမိဘူး။
    ချက်ကြည့်အုံးမယ်။
    ငှက်ပျောဖူးကြော်ပဲစားဘူးတာ။
    ကျေးဇူးပဲ ဟင်းတမျိုးတိုးသွားပြီ။

    ReplyDelete
    Replies
    1. ချက်စားကြည့်ပါဦးနော့့့်  အရမ်းစားကောင်းတယ်နော့့့် 

      Delete