Wednesday, October 19, 2011

အမဲအူပြုတ်၊ အမဲအူသုပ် လုပ်စားကြရအောင်


အားလုံးသောမောင်နှမများ မင်္ဂလာပါရှင်။

ဒီနေ့တော့ မောင်နှမတွေနဲ့အတူ အမဲအူပြုတ်၊ အမဲအူသုပ်လေး လုပ်စားကြမလားလို့လေ။

လိုအပ်တဲ့ပစ္စည်းလေးတွေအရင်ပြောရအောင်နော်။

အမဲအူချို (၅၀) ကျပ်သား၊ ဆား၊ ဟင်းခတ်မှုန့်၊ သကြား၊ စပါးလင်၊ ချင်း၊ ကြက်သွန်ဖြူ၊ ကြက်သွန်နီ၊ ငရုတ်သီးစိမ်း၊ မုန်လာဥနီ၊ နံနံပင်၊ နှမ်းဆီမွှေးအနည်းငယ်၊ ငံပြာရည်နဲ့ ကြက်သွန်ကြော်တို့ပါနော်။

အမဲအူချိုဘေးနားမှာ ကပ်နေတဲ့ အဆီတွေအားလုံးကို လှီးပစ်လိုက်ရအောင်။ ပြီးရင် အမဲအူကို မန်ကျည်း သီးမှည့်အနှစ်နဲ့ ဆားနဲ့ နယ်ပြီးတော့ အချွဲတွေကုန်အောင် ဆေးပေးပါ။ ပြီးရင် အူအတွင်းပိုင်းကိုလည်း သန့်စင်သွားရအောင်လို့ အူကို လှန်ပြီးတော့ နောက်ထပ်တစ်ကြိမ် မန်ကျည်းသီးမှည့်အနှစ်နဲ့ ဆားနဲ့ နယ်ပြီး ဆေးပေးပါ။ အညှီနံ့နဲ့ အချွဲတွေအားလုံး ကင်းစင်ပြီး ဖြူဖွေးသွားတာကို တွေ့ရမယ်နော်။

အမဲအူကို သန့်စင်နေတဲ့အချိန်မှာ မီးဖိုပေါ်မှာ ရေနွေးပွက်ပွက်ဆူအောင် တည်ထားပေးပါ။ အမဲအူ သန့်စင်ပြီးတာနဲ့ ရေနွေးအိုးဆူချိန်နဲ့ ကွက်တိပဲ ဖြစ်မှာမို့ သန့်စင်ပြီးတဲ့ အမဲအူတွေ   ကို ရေနွေးပွက်ပွက်ဆူထဲ ထည့်ပြီး ၅ မိနစ်လောက် ပြုတ်ပြီး ပြုတ်ရည်တွေကို သွန်ပစ်လိုက်ပါ။ အမဲထဲက အညှီနံ့တွေ ပျောက်ကင်းသွားစေပါတယ်နော်။

ပြီးတော့မှ အမဲအူကို ဆား၊ သကြား၊ ဟင်းခတ်မှုန့်အနည်းငယ်၊  နှမ်းဆီမွှေးအနည်းငယ်တို့နဲ့ နယ်ထားပေးပါ။ ပြီးရင် စပါးလင်း၊ ချင်း၊ ကြက်သွန်ဖြူတို့ကို ညက်အောင်ထောင်းထားပေးပြီး အမဲအူနဲ့ ထပ်နယ်ပေးပါ။

အားလုံးအသင့်ဖြစ်ရင် ပရက်ရှာကွက်ကာထဲကို အမဲအူကိုထည့်၊ ရေကို အမဲအူမြုပ်အောင်ထည့်ပြီး မိနစ် ၃၀ ပြုတ်ပေးပါနော်။ ပြီးရင်တော့ မီးပိတ်ပြီး မိနစ် ၂၀ လောက် ထားပေး၊ ပြီးတော့မှ အဖုံးဖွင့်ပြီး အထက်အောက်လှန်ပြီး ရေထပ်ထည့်ပြီး နောက်ထပ် မိနစ် ၂၀ လောက် ထပ်ပြုတ်ပေးပါ။

နံနံပင်ကို သန့်စင်တဲ့အခါ နံနံပင်အမြစ်ပိုင်းကိုလည်း ယူထားပြီး သေချာရေဆေးပြီး ထုထောင်းထားပါ။ နံနံပင်အရွက်လေးတွေကိုတော့ အပြုတ်ထဲထည့်သောက်တာတို့၊ အသုပ်ထဲ ထည့်တာတို့လုပ်ပေါ့လေ။

မုန်လာဥနီကို ကျွန်မက ကြိုက်လို့ အစိမ်းအတိုင်း ပါးပါးလေးလှီးပြီးအသုပ်ထဲလည်း ထည့်သုပ်တယ်၊  စွပ်ပြုတ်တွေထဲမှာလည်း အပေါ်ကနေ ကြက်သွန်စိမ်းထည့်စားသလိုပဲ ထည့်စားလေ့ရှိတာမို့ ထည့်တာပါ။ အနံ့မကြိုက်တဲ့သူတွေ မထည့်လည်း ရပါတယ်နော်။

ကြက်သွန်နီကိုလည်း အခွံနွှာပြီး ပါးပါးလှီးပေးထားပါ။

အမဲအူပြုတ်အိုး ပွက်ပွက်ဆူပြီဆိုရင်တော့ မီးပိတ်၊ နောက်ထပ် မိနစ် ၂၀ လောက် အခိုးသေသွားအောင် ထား၊ ပြီးတော့မှ အဖုံးဖွင့်၊ ပြီးရင်အပေါ့အငန်မြည်းပြီးတော့ ထောင်းထားတဲ့ နံနံမြစ်လေးတွေ ထည့်ပြီး မွှေပေးလိုက်ပါ။

အမဲညှီနံ့လုံးဝကို မရဘူး၊ အပေါ်မှာ အမဲဆီလည်း ဝေ့မနေဘူး၊ အေးသွားရင်တောင် ခဲမသွားတဲ့  အနံ့တသင်းသင်းလေးနဲ့ သောက်ချင်စဖွယ်အပြည့်ရှိတဲ့ အမဲအူပြုတ်  ရမှာပါ။ သောက်ခါနီးကျရင် တော့ အမဲအူပြုတ်ကို ကိုယ်လိုချင်တဲ့ အရွယ်လောက်လေးရအောင် ညှပ်ထည့်၊ ငရုတ်သီးစိမ်း ပါးပါးလှီး၊ ကြက်သွန်စိမ်း၊ နံနံပင်၊ မုန်လာဥနီတို့ထည့်၊ ငံပြာရည်လေး အနည်းငယ်နဲ့ သံပုရာ ရည်မွှေးမွှေးလေးညှစ်ပြီး သောက်လိုက်မယ် ဆိုရင်တော့ အရမ်းကို အနံ့အရသာနဲ့ ပြည့်စုံလှတဲ့ အမဲ အူပြုတ် တစ်ပွဲရရှိမှာနော်။

အမဲအူသုပ်အတွက်လည်း လွယ်ပါတယ်။ အမဲအူလေးတွေကို အရွယ်တော်လေးလှီး၊ ကြက်သွန်နီ၊ မုန်လာဥနီ၊ ငရုတ်သီးစိမ်းလှီးထည့်၊ ငံပြာရည်၊ ဆား၊ ဟင်းခတ်မှုန့်အနည်းငယ်ထည့်၊ သံပုရာရည်လေး ညှစ်ထည့်၊ ကြက်သွန်ကြော်ဆီချက်လေး ထည့်ပြီး သမအောင်နယ်ပေးလိုက်ပါနော်။ ချိုချဉ်ငံစပ် အရသာ အပြည့်နဲ့ အမဲအူသုပ်တစ်ပွဲရပါပြီရှင်။

မောင်နှမတို့လည်း ကျွန်မနဲ့အတူ ၀ိုင်းပြီး အားပေးကြပါဦး။

မောင်နှမတို့လည်း ပိတ်ရက်မှာ တစ်ခါတလေ ဆီပြန်ဟင်းချက်မစားချင်ဘူးဆိုရင်တော့ အမဲအူပြုတ် အမဲအူသုပ်လေး လုပ်စားကြည့်ကြပါလားနော်။

10 comments:

  1. သွားရည်ကျအောင်လုပ်နေပြီမလုရေ :) ။ ဒီမှာ အမဲအူမရတော့ ရတဲ့ ပုဆိုးဂျမ်း လိုနဲ့ ပဲ လုပ်စားနေရတယ်။ စားချင်ပါတယ်။

    ReplyDelete
    Replies
    1. မမရှင်လေ့း့  ပုဆိုးဂျမ်းနဲ့လည်း စားကောင်းတယ်

      Delete
  2. အမဲအူကြိုက်ကြိုက်... စားချင်နေတာ...

    ReplyDelete
    Replies
    1. ကူးကူးလေးရေ့့  စားချင်သလောက်သာ စားနော့့့် 

      Delete
  3. အမဲသားမစာတော့ ၀က်အူနဲ့လုပ်ကြည့်မှထင်တယ် မလုရေ .
    ပြင်ထားတာစားချင်စရာလေးမို့ လုပ်ကြည့်ချင်နေတား)

    ReplyDelete
  4. မမရှင်လေးရေ့့့  အမဲအူမရလည်း ပုဆိုးကြမ်းနဲ့လည်း စားလို့ကောင်းပါတယ်နော်။ ဘာပဲဖြစ်ဖြစ် ပုဆိုးကြမ်းလေး ၀ယ်လို့ရတာပဲ တော်သေးတယ်နော်။
    ကူးကူးရေ့့့ စားပါဦး။
    မဒမ်ကိုးရေ့့့  ၀က်အူနဲ့လုပ်စားလည်း စားကောင်းတယ်။ စားကြည့်ပါဦး။

    ReplyDelete
  5. ကြိုက်တယ်လုလုရေ... အမဲအူရှာဝယ်လိုက်ဦးမယ်

    ReplyDelete
    Replies
    1. ဟုတ် မနှင်းဆီ ၀ယ်ပြီး ချက်စားကြည့်ဦးနော်

      Delete
  6. Thanks for your generously share!

    ReplyDelete
    Replies
    1. ဟုတ်ကဲ့ မသူဇာ နောက်လည်း အလည်လာဖို့ ဖိတ်ပါတယ်နော်

      Delete