Thursday, October 21, 2010

ငါးပေါင်းထုပ်ဟင်း

Posted by လုလု at 3:28 PM Labels:
 
ချစ်သောမောင်နှမများအားလုံး မင်္ဂလာပါရှင်။ နေပြည်တော်ကိုရောက်တော့ ကွန်နက်ရှင်ကလည်း သိပ်မကောင်းတော့ ပို့စ်တွေလည်း မတင်ဖြစ်ဘူးနော်။ မီးဖိုဆောင်လေးကို ပစ်ထားရတာ ကြာပါပြီ။ မောင်နှမတွေကိုလည်း ပစ်ထားရသလို ဖြစ်နေတာ ကြာနေပြီနော်။ ဒီနေ့တော့ မောင်နှမတွေထဲက ငါးပေါင်းထုပ်ထုပ်နည်းလေး လာမေးထားလို့ ဖေ့စ်ဘွတ်ခ်မှာတုန်းက မပြုံးပြုံးရီ မေးထားတာလေးကို ဖြေပေးထားတဲ့အဖြေလေးကို မောင်နှမတွေအားလုံးအတွက်  မျှဝေပေးလိုက်ရပါတယ်နော်။

ငါးပေါင်းထုပ်ချက်တော့မယ်ဆိုရင် ငါးပေါင်းထုပ်လိုမျိုး အထုပ်ထုပ်ပြီး ချက်ချင်တာလား၊ ဒါမှမဟုတ် ငါးရံ့ကိုဆီပြန်ချက်ပြီး ရဲယိုရွက်အုပ်သလိုမျိုးလား၊ ဒါမှမဟုတ် ငါးရံ့ကို အသားလွှာပြီးတော့ ဆီပြန် ချက်ပြီးတော့မှ ရဲယိုရွက်တွေနဲ့ ရောမွှေချက်တာမျိုးလားနော်။

ငါးပေါင်းထုပ်လိုချက်မယ်ဆိုရင်တော့ ဗူးသီး၊ ငှက်ပျောဖူး၊ ကြက်သွန်နီ၊ ဖြူ၊ ချင်း၊ ဆန်မှုန့်လေး နည်းနည်း၊ ကော်မှုန့်လေးနည်းနည်း၊ စပါးလင်၊ ငရုတ်သီးအဲ့ဒါတွေ လိုမယ်နော်။ ဗူးသီးကို လက်တစ်လုံး အရွယ်လေးတွေလှီး၊ ငှက်ပျောဖူးပါးပါးလှီး၊ ကြက်သွန်ဥနီသေးသေးလေးတွေထည့်၊ ငါးရံ့ကို သန့်စင်အောင် ရေဆေးပြီးတော့ ဘေးဆူးတောင်ကို လှီးထုတ်ပစ် အလယ်ရိုးမပါအောင် အသားလွှာလှီးယူပြီးတော့ လက်တစ်လုံးအရွယ်လေး တွေလှီး၊ ငါးရံ့ရယ်၊ ဗူးသီး၊ ငှက်ပျောဖူး၊ ဆား၊ ဟင်းခတ်မှုန့်၊ကော်မှုန့်၊ဆန်မှုန့်၊ နနွင်း၊ ဆီလေးနည်းနည်းထည့်၊ ထောင်းထားတဲ့ငရုတ်သီး ကြက်သွန်ဖြူနီ၊ စပါးလင် အားလုံးသမအောင်နယ်၊ ပြီးတော့မှ ရဲယိုရွက်ထဲ အဲ့ဒီအစာတွေထည့်၊ သေချာပြန်ထုပ်ထားပါနော်။

ပြီးရင် ပေါင်းအိုးအောက်မှာ ရေထည့်၊အပေါ်က စကာထဲမှာ ရဲယိုရွက်တွေခင်းလိုက် ပြီးရင် ထုပ်ထား တဲ့ ငါးပေါင်းထုပ်လေးတွေတင်ပြီး နာရီဝက်လောက်ပေါင်းပေး၊ ပြီးရင်တော့ ငါးထုပ်တွေကို ဟိုဘက်ဒီဘက် တစ်ခါလှန်ပြီးထပ်ပေါင်းပေးနော်။အဲ့ဒါကတစ်နည်းပေါ့။ ပေါင်းရခက်မယ် ထင်ရင်တော့ ခုနက အဆာပလာ တွေကို လုံးချက်ချက်၊ ပြီးတော့မှ ရဲယိုရွက်အုပ်။ အဲ့ဒီလိုလည်းရတယ်နော်။

နောက်တစ်နည်းက ငါးရံ့ကို အကွင်းလိုက်ပဲလှီးတယ်၊ ပြီးတော့ ငရုတ်သီးကြက်သွန်ဖြူနီချင်း စပါးလင်ထောင်းထားတာနဲ့ ဆီပြန်ချက်၊ ကြက်သွန်နီဥလေးတွေပါ ထည့်ချက်၊ ပြီးတော့မှ ရွဲယိုရွက်အုပ်တာ။ အဲ့ဒါက တစ်နည်းနော်။

နောက်တစ်နည်းက ငါးရံ့ကို အသားလေးတွေချည်းပဲလွှာယူ၊ ပြီးရင်အတုံးသေးသေးလေးတွေ ဖြစ်အောင်လှီး၊ ပြီးတော့မှ ထောင်းထားတဲ့ငရုတ်သီးကြက်သွန်ဖြူနီချင်းစပါးလင်နဲ့ ဆီသတ်၊ ကြက်သွန်နီဥ လေးတွေပါထည့်၊ ငါးလေးတွေ ကြေအောင်မွှေ၊ ပြီးတော့မှ ရွဲယိုရွက်အုပ်ချက်၊ အဲ့ဒါ ကတော့ တစ်နည်းနော်။ မောင်နှမတွေ အဆင်ပြေမယ့်နည်းနဲ့ချက်ပါနော်။ ငါးပေါင်းထုပ်ဟင်းချက်တဲ့အခါ လက်ဝင်တယ်လို့ ထင်ရပေမယ့် တစ်ခါတလေ ချက်စားတဲ့အခါ သိပ်ကို စားမြိန်တာမို့ ပိတ်ရက်လေးတွေမှာ မောင်နှမတွေ လက်တည့်စမ်းကြည့်ကြပါဦးနော်။ မမလုကတော့ နေပြည်တော်မှာ အခြေမကျသေးတာမို့ နောက်မှပဲ ဟင်းပွဲလေးတွေကို ဓာတ်ပုံလေးတွေနဲ့တကွ ထပ်ပြီး တင်ပေး ပါ့မယ်နော်။ ဒီဟင်းပွဲလေးမှာ ဓာတ်ပုံမတင်နိုင်လို့ ဒီစာလေးနဲ့ပဲ ကျေနပ်ပေးပါလို့ မောင်နှမတွေကို တောင်းဆိုပါတယ်နော်။

12 comments:

  1. Baby tasterOctober 21, 2010 at 7:20 PM

    စားချင်လိုက်တာ ဒီမှာတော့ ရွဲယိုရွက်
    မရဘူးထင်တာပဲ ။ ကျန်တဲ့ငှက်ပျော
    ဖက်နဲ့ကလည်း မထုပ်တတ်ဘူး ။
    ပလပ်စတစ် အိတ်နဲ့ပဲ ထုပ်ပြီးပေါင်းစားဖြစ်တယ်
    ရွဲယိုရွက်လောက်တော့ အနံ့မသင်းဘူးပေါ့
    ဒါပေမဲ့ စားလို့ဖြစ်ပါတယ် ။

    ReplyDelete
  2. rose of sharonOctober 21, 2010 at 8:31 PM

    အဲလိုဟင်းချက်နည်းအဆန်းလေးတွေ တင်ပေးတာ အရမ်းသဘောကျတယ် လုရေ... တခါတခါ ဘာချက်ရမှန်းမသိတဲ့ အခါ အဲလို အဆန်းလေးတွေက ထမင်းစားမြိန်စေတယ်

    ReplyDelete
  3. စန္ဒကူးOctober 22, 2010 at 7:06 AM

    ကြိုက်တယ်မမလု..အဲဒါလဲစားချင်တယ်။
    ရဲယိုရွက် အစား ဘယ်အရွက်သုံးရင်ကောင်းမလဲမမ..
    ရဲယိုရွက်ရှိဝူး..

    ReplyDelete
  4. သံလွင် HeRoOctober 22, 2010 at 10:58 AM

    ကျနော့်အကြိုက်ဆုံးအစားအစာက ငါးပေါင်းထုပ်ပါ။
    သီဟိုစေ့များများ၊
    ရွှေဖရုံသီးများများနဲ့ဆိုပိုချိုပြီးစားကောင်းတယ်ဗျ။း)

    ReplyDelete
  5. AnonymousOctober 24, 2010 at 11:27 PM

    banna leave also can

    ReplyDelete
  6. EvyOctober 25, 2010 at 10:46 AM

    ကျေးဇူးမမလုရေ စမ်းကြည့်ဦးမယ်

    ReplyDelete
  7. SHWE ZIN UOctober 31, 2010 at 11:20 AM

    မလုရေ

    ပျောက်နေလို့ အလွမ်းပြေ လာတာ ငါးပေါင်းထုတ်လေး စားသွားတယ် တအားကြိုက်တယ် ဒါပေမဲ့ လုပ်ရခက်လို့ မစားဖြစ်ဘူး နောက်တော့ မှ စမ်းကြည့်မယ်

    ခင်မင်စွာဖြင့်
    ရွှေစင်ဦး

    ReplyDelete
  8. roseNovember 19, 2010 at 2:45 AM

    This comment has been removed by the author.

    ReplyDelete
  9. အိမ့်ချမ်းမြေ့January 8, 2011 at 8:03 AM

    စမ်းကြည့်ပါဦးမယ်.. ဝေမျှတာ ကျေးဇူးတင်ပါတယ်ရှင်။

    ReplyDelete
  10. AnonymousJuly 1, 2011 at 11:00 PM

    အမရေ
    ကြက်ဥကင်လေးစားချင်လို့ 
    နည်းလေးဝေမျှပါအုံး

    ReplyDelete
  11. AnonymousAugust 17, 2011 at 4:59 PM

    ကျေးဇူးတင်ပါတယ်

    ReplyDelete
  12. AnonymousAugust 25, 2011 at 11:11 AM

    မမရဲ့ဟင်းတွေ မုန့်တွေ အားလုံးကြိုက်တယ်
    ဟင်းချက်တာကို စမ်းသပ်ချင်သော်လည်း ဘာညာဘာ ညက်အောင်ထောင်းပါ ဘာညာဘာညာကို ဆီသတ်ပါ ဆိုတာကို ကြောက်လို့ မချက်ဝံ့သေးပါ
    ညှော်ကြောက်သူ

    ReplyDelete

Subscribe to: Post Comments (Atom)