Saturday, August 18, 2007

ပုဇွန်တုံယမ်းဆီပြန်ဟင်း

Reactions: 

တုံယမ်းကို ဟင်းရည်သောက်ချက်စားကြတာများပါတယ်။ အခု ရာသီဥတုက အရမ်းပူတာကြောင့် တုံယမ်းဟင်းရည်မချက်ဖြစ်ဘဲ ဆီပြန်ဟင်းလေး ချက်လိုက်ပါတယ်။ စစချင်း ပုဇွန်တွေကို ရေဆေး၊ အခွံနွှာ၊ သန့်စင်ပါ။ ကျောဘက်က ပုဇွန်ချေးတွေကိုလဲ သန့်ရှင်းပစ်ပါ။ ပြီးတော့ ကျောဘက်ကနေ ပုဇွန်ကို ထက်ခြမ်းခွဲပါ။ ပြီးတော့၊ ဆား၊ သကြားအနည်းငယ်၊ ဟင်းချိုမှုန့်အနည်းငယ်နဲ့ နယ်ထားပါ။ ကြက်သွန်ဖြူနီဂျင်းကို သေးသေးလေးတွေဖြစ်အောင်လှီးပါ။ ငရုတ်ဆုံရှိရင်ထောင်းပေါ့နော်။ ပြီးတော့ ဒယ်အိုးကို မီးဖိုပေါ်တင်၊ ဆီအနည်းငယ်ထည့်ပါ။ ဆီပူလာရင် နနွင်းမှုန့်လေးခပ်၊ စောစာကထောင်းထားတဲ့ ကြက်သွန်ဖြူနီဂျင်းကို ထည့်ပြီး ဆီသတ်။ အနံ့လေးမွှေးလာပြီဆိုရင် ပုဇွန်ထည့်ပြီး နှံ့အောင်မွှေ၊ ပြီးတော့ တုံယမ်းအနှစ်လေးကို ကိုယ်နှစ်သက်မယ့် ချဉ်ငံစပ်အနေအထားလောက် ခပ်ပြီးထည့်ပြီး တည်လိုက်ပါ။ ရေကျန်ဆီကျန်လေး စားချင်တာ ဆိုတော့ ရေလေးနည်းနည်းထည့်ပြီး ပေးပွက်လိုက်တယ်။ အဲ့ဒါဆို ပုဇွန်တုံယမ်းဟင်းရပြီ။ နံနံပင် ဒါမှမဟုတ် ရှောက်ရွက်ရှိရင် အပေါ်ကနေအုပ်လိုက်ဦး။ ပိုမွှေးသွားရအောင်။ အခုဓါတ်ပုံထဲမှာတော့ အဲ့ဒါတွေ မရှိလို့ မအုပ်လိုက်ရဘူး။ ဆောတီးနော့့့် 

0 comments:

Post a Comment